22:30, 19 - ءساۋىر 2022 | GMT +5
اتىراۋ بالىقشىلارى 200 كەلى تارتاتىن الىپ قورتپا اۋلادى
اتىراۋ. قازاقپارات - اتىراۋ بالىقشىلارىنىڭ اۋىنا بەكىرە تۇقىمداسىنا جاتاتىن الىپ قورتپا ءتۇستى، دەپ حابارلايدى قازاقپارات ءتىلشىسى.

بالىق شارۋاشىلىعى كوميتەتىنىڭ رەسمي وكىلى اسلان جەڭىس ۇلىنىڭ ايتۋىنشا، باعالى بالىق بۇگىن جايىق وزەنىنىڭ «كىشى دامبى» تارتىمىندا اۋلانعان.
«مەملەكەتتىك تاپسىرىستى ورىنداۋ ماقساتىندا 19- ساۋىردە «امانگەلدى اتىنداعى» ج ش س- ءنىڭ بالىقشىلار بريگاداسى جايىق وزەنىندەگى «كىشى دامبى» تارتىمىنان الىپ قورتپانى اۋلادى. باعالى بالىقتى اۋلاۋعا «جايىق-اتىراۋ بەكىرە بالىق ءوسىرۋ زاۋىتى» ر م ق ك- ءنىڭ قىزمەتكەرلەرى دە قاتىستى. سۋ مارجانىنىڭ سالماعى شامامەن 200 كەلىگە جۋىق. قازىر الىپ قورتپا بەكىرە بالىقتارىن ءوسىرۋ زاۋىتىنا جەتكىزىلدى»، - دەدى اسلان جەڭىس ۇلى.
ەسكە سالا كەتەلىك، بۇعان دەيىن اتىراۋدا ءۇش كولىكتەن 100 كەلىدەن استام بەكىرە تۇقىمداس بالىق تابىلعانىن جازعان ەدىك.