سولتۇستىك قازاقستاندا 200 گە جۋىق دارىگەردىڭ ورنى بوس تۇر

س ق و- عا ەكى كۇنگە كەلگەن ق ر دەنساۋلىق ساقتاۋ ءمينيسترى اجار عينيات ءىس-ساپارىنىڭ قورىتىندىسى رەتىندە وڭىرلىك كوممۋنيكاتسيالار قىزمەتىندە بريفينگ وتكىزدى. وڭىردە مەديتسينا سالاسىندا شەشىمىن كۇتكەن ماسەلە بارشىلىق. سونىڭ ءبىرى - كادر جەتىسپەۋشىلىگى. قازىرگى ۋاقىتتا 7,5 مىڭ مەدقىزمەتكەر بار بولسا، سونىڭ 1694 دارىگەر جانە 5 839 ورتا مەديتسينا قىزمەتكەرى. تاعى 187 دارىگەردىڭ ورنى بوس تۇر.
«سالانى بىلىكتى ماماندارمەن قامتاماسىز ەتۋ ءۇشىن مينيسترلىك جىل سايىن ءوڭىردىڭ قاجەتتىلىگىن ەسكەرە وتىرىپ، مەديتسينا كادرلارىن دايارلاۋعا جانە ولاردىڭ بىلىكتىلىگىن ارتتىرۋعا مەملەكەتتىك ءبىلىم بەرۋ تاپسىرىسىن بولەدى. 2021-جىلى وبلىس ءۇشىن رەزيدەنتۋرانىڭ 17 مەديتسينالىق ماماندىعى بويىنشا 89 ءبىلىم گرانتى ءبولىندى. مينيسترلىكتىڭ رەسپۋبليكالىق كوميسسياسى وڭىرگە 56 تۇلەكتى، ونىڭ ىشىندە 20 ىن اۋىلعا جىبەرىپ، جۇمىسقا ورنالاستىردى. جەرگىلىكتى جەرلەردە كادرلاردى ۇستاپ قالۋ ءۇشىن جاس مامانداردى الەۋمەتتىك قولداۋ قاجەت، 2021 -جىلى وبلىستىق بيۋدجەتتەن 22 جاس مامانعا كوتەرمە جاردەماقى، تۇرعىن ءۇي ساتىپ الۋعا 9 نەسيە بەرىلدى»، - دەدى اجار عينيات.
وڭىردە انەستەزيولوگ-رەانيماتولوگتەرگە، جالپى تاجىريبە دارىگەرلەرىنە، اكۋشەر-گينەكولوگتار مەن كارديولوگتارعا، ينفەكتسيونيستەر مەن تەراپيەۆتەرگە سۇرانىس جوعارى.
«جەرگىلىكتى بيۋدجەت ەسەبىنەن 1 مىڭنان استام مەديتسينالىق مامان، سونىڭ ىشىندە 226 دارىگەر بىلىكتىلىگىن جوعارىلاتتى. م. قوزىبايەۆ اتىنداعى س ق ۋ- دە 505 ادام دارىگەر ماماندىعىن مەڭگەرىپ جاتىر. سونداي-اق، تۇلەكتەردى دەربەس ءبولۋ جونىندەگى رەسپۋبليكالىق كوميسسيا س ق و- دا 56 ماماندى ونىڭ ىشىندە 20 سىن اۋىلدىق جەرلەرگە جۇمىسقا ورنالاستىردى»، - دەدى دەنساۋلىق ساقتاۋ ءمينيسترى.
كەشە اجار عينيات وبلىستىڭ بىرنەشە اۋدانىندا بولىپ، مەديتسينالىق ۇيىمداردى ارالادى، قىزمەتكەرلەرمەن جانە تۇرعىندارمەن كەزدەستى.