الماتىدا كوپ قاباتتى ۇيدەگى الاپات ورتتەن 200 گە جۋىق تۇرعىن ەۆاكۋاتسيالاندى

الماتى. قازاقپارات - «التىن بۇلاق-2» تۇرعىن ءۇي كەشەنىنىڭ تۇرعىندارىن قۇتقارۋعا 35 پوليتسيا قىزمەتكەرى قاتىستى، دەپ حابارلايدى قازاقپارات.

الماتى قالالىق پوليتسيا دەپارتامەنتىنىڭ حابارلاۋىنشا، برۋسيلوۆسكيي كوشەسىندە ورنالاسقان «التىن بۇلاق - 2» تۇرعىن ءۇي كەشەنىنىڭ 18 قاباتتى ۇيىنەن قويۋ ءتۇتىن شىققانى تۋرالى حابار تۇنگى ساعات ون ەكىلەر شاماسىندا تۇسكەن.

ج ب و جەدەل كەزەكشىسى ءورت ورنىنا دەرەۋ پاترۋلدىك پوليتسيانىڭ 13 ەكيپاجىن جونەلتتى. سونداي- اق، ءورت ورنىنا ىرگەلەس جاتقان كورشى اۋدانداردان دا ادامدار تارتىلدى.

«التىن بۇلاق-2» تۇرعىن ءۇي كەشەنىنىڭ تۇرعىندارىن قۇتقارۋعا جانە ءورتتىڭ سالدارىن جويۋعا 35 پوليتسيا قىزمەتكەرى قاتىستى.

ەڭ الدىمەن وسى ءۇيدىڭ 177 تۇرعىنى ەۆاكۋاتسيالاندى. 27 ادام قۇتقارىلدى، ونىڭ التاۋى - بالالار.

«جەدەل جاردەم» بريگادالارى تۇتىننەن ۋلانعان 2020 جانە 2021 -جىلى تۋعان ءۇش ءسابيدى شۇعىل تۇردە 1№ -قالالىق كلينيكالىق بالالار اۋرۋحاناسىنا جەتكىزدى. ساعات 01:45 تە ءورت ءسوندىرىلدى.

ونىڭ سەبەبىن ساراپتاما انىقتايدى.