شىمكەنتتە بيىل 200 دەن استام ادام الكوگولدەن ۇلانىپ، قايتىس بولعان

شىمكەنت. قازاقپارات - شىمكەنتتە ەتيل سپيرتى مەن الكوگول ءونىمىن زاڭسىز ءوندىرىپ كەلگەن 12 جاسىرىن سەح انىقتالدى، دەپ حابارلايدى قازاقپارات ءتىلشىسى.

شىمكەنت قالاسى بويىنشا ەكونوميكالىق تەرگەپ- تەكسەرۋ دەپارتامەنتىنىڭ قىزمەتكەرلەرى جىل باسىنان كولەڭكەلى بيزنەستەن 20 مىڭ بوتەلكەدەن استام دايىن سۋرروگاتتىق الكوگول ونىمدەرىن، 3 مىڭنان استام ەتيل سپيرتىن، 20 مىڭنان استام جالعان ەسەپكە الۋ- باقىلاۋ ماركىلەرىن تاركىلەگەن.

ەتيل سپيرتى مەن الكوگول ءونىمىنىڭ كولەڭكەلى اينالىمى بويىنشا مەملەكەتكە جالپى 11 ميلليون تەڭگەدەن استام زالال كەلتىرىلگەن.

ماماندار سۋرروگاتتىق الكوگول ونىمدەرىنىڭ كولەڭكەلى اينالىمىنان مەملەكەتپەن قاتار، ادامنىڭ دەنساۋلىعىنا دا ۇلكەن زيان كەلەتىنىن ايتىپ، دابىل قاعۋدا. قالالىق دەنساۋلىق ساقتاۋ باسقارماسىنىڭ اقپاراتىنا سايكەس 2020 -جىلى - 200 ادام، ال 2021 -جىلى - 240 ادام الكوگولدەن ۇلانىپ، قايتىس بولعان.

اۆتور: قايرات زاينيشيەۆ