اۆياوتىن تاپشىلىعى: ەلوردا اۋەجايىنا 200 توننادان استام جانارماي جەتكىزىلدى
قازىرگى ۋاقىتتا كۇردەلى جاعدايدىڭ الدى الىندى، دەپ حابارلايدى قازاقپارات اۋەجايدىڭ باسپا ءسوز قىزمەتىنە سىلتەمە جاساپ.
«اۋەجاي تۇراقتى جولاۋشىلار جانە جۇك رەيستەرىن ۇزدىكسىز تولتىرۋ جۇمىستارىن اتقارۋدا. جوعارىدا اتالعان مەملەكەتتىك ورگاندارمەن بىرلەسىپ، بيىلعى 9- قاراشادا پاۆلودار مۇناي-حيميا زاۋىتى جۇمىسىن قايتا باستاعانشا زاۋىتتاردان اۆياوتىن جەتكىزۋ كەستەسى ازىرلەندى. قازىرگى ۋاقىتتا اۋەجايدا 3100 توننا اۆياكەروسين قالدى. جاقىن كۇندەرى 3900 توننا (3 مىڭ توننا - «قازمۇنايگاز-اەرو» ج ش س، 700 توننا - «پەتروسان» ج ش س، 200 توننا - East fuel) جەتكىزۋ كۇتىلۋدە»، - دەپ حابارلادى نۇرسۇلتان نازاربايەۆ اۋەجايىنىڭ باسپا ءسوز قىزمەتى.
اۋەجايدىڭ حابارلاۋىنشا، قازىر 3800 توننا اۆياكەروسين جەتكىزۋ ءۇشىن كەلىسىمشارتقا قول قويىلدى جانە تولەندى.
ەلوردا ۋاقىتىمەن ساعات 15:00 دە نۇرسۇلتان نازاربايەۆ اۋەجايىنىڭ ساقتاۋ بازاسىندا 921 توننا وتىن بار، بۇگىن 200 توننادان استام اكەلىنگەن.
بۇعان دەيىن ق ر يندۋستريا جانە ينفراقۇرىلىمدىق دامۋ مينيسترلىگى ەلوردا اۋەجايى مەن «سكات» اۋە كومپانياسىنىڭ اۆياوتىن جەتىسپەۋشىلىگىنە قاتىستى مالىمدەمەلەرىنە پىكىر بىلدىرگەن بولاتىن.
سونىمەن قاتار قازاقستاننىڭ مۇناي وڭدەۋ زاۋىتتارى قوسىمشا 2 مىڭ توننا اۆياوتىن وندىرەدى.