اقتوبەدە باقتاشىسى جوق 200 گە جۋىق مال ارنايى قوراعا قامالدى
مال ۇرلىعىن بولدىرماۋ جانە ەسكەرتۋ ماقساتىندا اقتوبە وبلىسى ايتەكە بي، قوبدا، ويىل، شالقار اۋداندارىنىڭ اۋماعىندا «مال ۇرلىعى» جەدەل الدىن- الۋ شاراسى ءوتتى. سەبەبى بۇل اۋدانداردا مال ۇرلىعى ءجيى تىركەلەدى. جەدەل الدىن الۋ شاراسى كەزىندە پوليتسيا قىزمەتكەرلەرى مال ۇرلىعىنىڭ 2 فاكتىسىن انىقتادى.
«ءبىر اپتا ىشىندە مال جانە ەت ونىمدەرىن تاسىمالداعان 14 اۆتوكولىك، مال جانە ەت ونىمدەرىن ساتاتىن 6 ورىن تەكسەرىلدى. سونىمەن قاتار، شارۋا قوجالىقتارى تەكسەرىلدى. وندا ءتيىستى قۇجاتسىز مال مەن ەت ونىمدەرىن تاسىمالداۋدىڭ 3 دەرەگى انىقتالدى. اتالعان دەرەك بويىنشا قر ا ق ب ت ك- ءنىڭ «قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن بۇزۋ» بابى بويىنشا اكىمشىلىك حاتتاما تولتىرۋ ءۇشىن ماتەريالدار ۆەتەرەنارلىق قىزمەتكە جولداندى»، - دەدى وبلىستىق پد باسپا ءسوز قىزمەتىنىڭ جەتەكشىسى ەربولات سارقۇلوۆ.
ايتا كەتەيىك، ۋچاسكەلىك پوليسيا ينسپەكتورلار مالىن قاراۋسىز قالدىرعانداردى دا انىقتادى. 176 باس مال جەرگىلىكتى اتقارۋشى ورگاندار سالعان ارنايى قوراعا قامالدى.
