رەسەي «قىتاي-قىرعىزستان-وزبەكستان» تەمىرجولىنىڭ جوسپارىنا 200 ميلليون رۋبل بولگەن

نۇر-سۇلتان. قازاقپارات - «قىتاي-قىرعىزستان-وزبەكستان» تەمىرجولىنىڭ تەحنيكالىق ەكونوميكالىق نەگىزدەمەسى دايىن.

بۇل اقپاراتتى قىرعىزستان پرەزيدەنتى سوورونباي جەەنبەكوۆ قوعامدىق تەلەارناعا بەرگەن سۇقباتىندا ايتتى.

قىرعىز پرەزيدەنتىنىڭ سوزىنشە، تەمىرجولدىڭ ت ە ن- ءىن دايىنداۋعا رەسەي 200 ميلليون رۋبل بەرگەن.

- ساياسي شەشىم قابىلداندى. ساراپتاما توپتارى جۇمىس ىستەپ وتىر. قىتاي جاعى كەلىسىم بەردى. قىتايعا ەكى رەت بارعانىمدا وسى ماسەلە بويىنشا كەلىسسوز وتكىزدىم. رەسەي پرەزيدەنتىمەن دە كەلىسسوز ءوتتى، - دەدى سوورونباي جەەنبەكوۆ.

«قىتاي-قىرعىزستان-وزبەكستان» تەمىرجولىن سالۋ تۋرالى باستاما 2000-جىلداردىڭ باسىنان بەرى ايتىلىپ كەلگەنىمەن، جۇزەگە اسپاعان. 2002-جىلى بەيجىڭ بولاشاق تەمىرجول تارماعىنىڭ ت ە ن- ءىن جاساپ، باعىتىن انىقتاعان. بۇل باعىت بويىنشا تەمىرجول تورۋگارت اسۋى ارقىلى ارپا جايلاۋىنان ءوتىپ، ءارى قاراي وزگەن اۋدانىنان قارا-سۋۋ قالاسىنا بارىپ، سول جەردەن وزبەكستانعا شىعۋى ءتيىس. جالپى ۇزىندىعى 268 كيلومەتر بولادى.

بۇرىنعى پرەزيدەنت المازبەك اتامبايەۆ بيلىككە كەلگەن سوڭ «قىتاي-قىرعىزستان-وزبەكستان» باعىتىنىڭ ورنىنا «تاجىكستان-قىرعىزستان-قازاقستان-رەسەي» تارماعىن سالۋدى ۇسىنعان. بۇل يدەيانى ەشكىم قولداماعان سوڭ قىرعىزستان بيلىگى «قىتاي-قىرعىزستان-وزبەكستان» جوباسىنا قايتا ورالىپ، جاڭا باعىت ۇسىنعان.

2017-جىلى ءۇش جاقتى جۇمىس توبى قۇرىلىپ، تەمرجولدىڭ ءۇش نۇسقاسى قاراستىرىلعانى تۋرالى اقپارات تاراعان.

«ازاتتىق»