سالماعى 200 كەلىدەن اساتىن ازامات بيلىكتەن كومەك سۇرادى
نۇر-سۇلتان. قازاقپارات – الەمدەگى «ەڭ سەمىز ادام» اتاعىنىڭ بۇرىنعى يەگەرى پول مەيسون ۇلى بريتانيانىڭ دەنساۋلىق ساقتاۋ ۇلتتىق قىزمەتىنەن كومەك سۇراۋدا.
ول ءوز ومىرىنە الاڭداۋشىلىق ءبىلدىرىپ وتىر دەپ حابارلايدى Lenta.ru.
بۇرىن مەيسوننىڭ سالماعى 444,5 كەلىنى قۇرايتىن. قازىر ول ارىقتاپ، سالماعى 228,6 كەلى بولدى.
الايدا، ەر ادام ءالى دە دەنساۋلىعىنا الاڭداۋدا. سوڭعى بەس اي ىشىندە ول ءتورت رەت اۋرۋحاناعا ءتۇسىپتى.
پول مەملەكەتتىك مەكەمەنىڭ وزىنە وتا جاساۋ ءۇشىن 100 مىڭ فۋنت تولەۋىنە نيەت بىلدىرۋدە. وعان جاڭا تىزە بۋىنى، سانىنا جانە گرىجالداردى الىپ تاستاۋعا وتا جاساۋ قاجەت.
پول مەيسون مەملەكەتتىڭ بۇعان دەيىن دە بىرنەشە رەت كومەكتەسكەنىن اتاپ ءوتتى. ونىڭ ويىنشا، كومەك كورسەتىلمەگەندە ول الدەقاشان ومىرىمەن قوش ايتىسار ەدى. دەگەنمەن، ەر ادام مەملەكەتتەن سوڭعى رەت قول ۇشىن بەرۋدى سۇراپ وتىر.
بۇعان دەيىن دەنساۋلىق ساقتاۋ قىزمەتىنىڭ قاراجاتى ەسەبىنەن وعان اسقازاندى كىشىرەيتۋ بويىنشا وتا جاسالىپ، سونىڭ ناتيجەسىندە ول 120,6 كەلى سالماق تاستاعان بولاتىن.
سودان سوڭ ەر ادام ا ق ش- قا قونىس اۋدارىپ، سول جەردە سالبىراعان تەرىنى تارتۋ ءۇشىن وتا جاساتتى. ونىڭ ءومىر بويى دەنساۋلىعىنا جۇمساعان قاراجاتى 1 ميلليون فۋنتتى قۇراپ وتىر.
