پرەزيدەنتتىك جاڭا جىل شىرشاسىندا 200 دەن استام بالاعا پلانشەت سىيعا بەرىلدى
الماتى. قازاقپارات - الماتىداعى قابىلداۋ ۇيىندە قازاقستان رەسپۋبليكاسى پرەزيدەنتىنىڭ اتىنان جاڭا جىلدىق شىرشا ءوتتى. وعان بالالار ۇيلەرىنىڭ 200 دەن استام تاربيەلەنۋشىسى قاتىستى، دەپ حابارلايدى قازاقپارات ءتىلشىسى.
شىرشاعا ەرەكشە قامقورلىقتى قاجەت ەتەتىن، كوپبالالى جانە تۇرمىسى تومەن وتباسىلاردىڭ بالالارى شاقىرىلدى. مەملەكەت باسشىسى الماتىلىق بۇلدىرشىندەرگە ارناپ ارنايى ۆيدەوۇندەۋ جولدادى.
«بۇگىنگى جاڭا جىلدىق شىرشا اينالاسىنا ءبىزدىڭ ۇلكەن ءارى تاتۋ ەلىمىزدىڭ بالالارى جينالدى. ءوتىپ بارا جاتقان جىلدا سەندەردىڭ بارلىعىڭ ءبىلىم الدىڭدار، سپورتتىق جارىستاردا جەتىستىكتەرگە جەتتىڭدەر، ءتۇرلى كونكۋرستاردا جەڭىمپاز اتاندىڭدار. سەندەردىڭ ءارقايسىلارىڭ بۇدان دا بيىك شىڭدارعا قۇلاش سەرمەدىڭدەر. بۇل اسىل قاسيەت سەندەردىڭ عانا ەمەس، بارشا قازاقستاننىڭ كۇش- قۋاتىن ارتتىرادى. قىمباتتى بالالار، جاڭا جىلدا دا سەندەردىڭ بارلىق نيەت- تىلەكتەرىڭ مەن ارماندارىڭ ورىندالسىن» ، - دەدى نۇرسۇلتان نازاربايەۆ.
پرەزيدەنتتىك جاڭا جىل شىرشاسىندا 200 دەن استام بالاعا پلانشەت سىيعا بەرىلدى
تاربيەلەنۋشىلەرگە ەلباسىنىڭ اتىنان بالالارعا سىيلىق سالىنعان ارنايى سومكەلەر بەرىلدى. ونىڭ ىشىندە قىسقى كيىمدەر، كەڭسە تاۋارلارىنىڭ جيىنتىعى، پلانشەتتەر، ويىنشىقتار مەن تاتتىلەر بولدى.
مەرەكەلىك شاراعا ەرتەگى كەيىپكەرلەرى اياز اتا مەن اقشا قار، «ىسمەر» ءانسامبلى، «KeshYou» توبى، تسيرك ارتيستەرى، مۇراتمۇتۇرعانوۆتىڭ شوۋى مەن X فاكتور جوباسىنىڭ فيناليستەرى جانە باسقالارى قاتىستى.
