قۇرمانعازىنىڭ 200 جىلدىعىنا وراي قازاقستان مەن رەسەي وكىلدەرى عىلىمي ەكسپەديتسيا ۇيىمداستىردى

استانا. قازاقپارات - اتى اڭىزعا اينالعان داۋلەسكەر كۇيشى قۇرمانعازى ساعىربايەۆتىڭ 200 جىلدىعىنا وراي باتىس قازاقستان وبلىسى مەن استراحان وبلىسىندا حالىقارالىق كونفەرەنسيا ءوتتى، دەپ حابارلايدى قازاقپارات ر ف ەلشىلىگىنە سىلتەمە جاساپ.

شارانى باتىس قازاقستان وبلىسىنىڭ اكىمدىگى «رۋحاني جاڭعىرۋ» باعدارلاماسىنىڭ اياسىندا ۇيىمداستىردى.

ەكسپەديتسيا قۇرامىنا ب ق و اكىمدىگى، باتىس قازاقستان وبلىستىق تاريحي- ولكەتانۋ مۋزەيىنىڭ قىزمەتكەرلەرى، اقىن-جازۋشىلار مەن ولكەتانۋشىلار، جۋرناليستەر مەن كۇيشىلەر كىردى.

ولار باتىس قازاقستان وبلىسىنىڭ قاراتوبە، جانعالى، قازتالوۆ اۋداندارى مەن ۆولودار اۋدانىنىڭ التىنجار اۋىلىندا، ياعني قۇرمانعازى ساعىرباي ۇلى جەرلەنگەن ولكەدە عىلىمي-تانىمدىق جانە زەرتتەۋ جۇمىستارىن جۇرگىزدى. بۇل جەردە كۇيشىنىڭ كەسەنەسى مەن ونىڭ اتىنداعى حالىقارالىق ورتالىق بار.

ايتا كەتەيىك، ق ر مادەنيەت جانە سپورت مينيسترلىگىنىڭ باستاماسىمەن قۇرمانعازىنىڭ تۋعانىنا 200 جىلدىعىن اتاپ ءوتۋ شارالارى يۋنەسكونىڭ اتاۋلى كۇندەرى مەن مەرەيتويلارىنىڭ تىزىمىنە ەنگىزىلدى.