پەتروپاۆلدا سەگىز سەرىنىڭ 200 جىلدىعىنا ارنالعان فەستيۆال ءوتتى
وڭىرلىك كوممۋنيكاتسيا قىزمەتىنىڭ اقپاراتىنا سايكەس فەستيۆالعا ەلىمىزدىڭ 5 وبلىسىنان 300 دەي ءارتىس قاتىسۋدا.
«فەستيۆالدىڭ ماڭىزى مەن ەرەكشەلىگى - شىعارماشىلىق ۇجىمداردىڭ ءوزارا بايلانىسى مەن ارى قاراي وسۋىندە. س ق و فيلارمونياسىنىڭ سەگىز سەرى اتىنداعى كونسەرتى كەشتىڭ اشىلۋ سالتاناتىنىڭ ەڭ كەرەمەت تۋىندىسى بولدى»، - دەيدى وركەستر جەتەكشىسى قايىرلى عافۋروۆ.
استانا قالاسى فيلارمونياسىنىڭ حالىق مۋزىكاسى ءانسامبلىنىڭ جەتەكشىسى توعجان جاحين مۇنداي فەستيۆالدەردى وتكىزۋدى ۇيىمداستىرۋشىلاردىڭ تاراپىنان ۇلكەن باتىلدىق قاجەت ەتەتىندىگىن ەرەكشە اتاپ ءوتتى.
فەستيۆالگە سولتۇستىك قازاقستان وبلىستىق فيلارمونياسىنىڭ ءسوليسى مۇحيت احمەتوۆ العاش رەت قاتىستى.
«ءبىزدىڭ ۇلتتىق اندەرىمىز بەن كۇيلەرىمىز، ۇلتتىق شىعارمالارىز جاس ۇرپاق ءوز تامىرلارىن ۇمىتپاۋى ءۇشىن قاجەت. سوڭعى جىلدارى سەگىز سەرى شىعارماشىلىعىمەن اينالىساتىن عالىمدار كوپتەگەن حالىق اندەرىنىڭ سەگىز سەرىگە تيەسىلى ەكەندىگىن دالەلدەپ بەردى. ەندى ونى كوپ ادام بىلەتىن بولادى»، - دەيدى م. احمەتوۆ.
فەستيۆال اياسىندا 4 كونسەرت ءوتتى. كەش سوڭى اۋقىمدى گالا-كونسەرتكە ۇلاستى.
