استانادا قوقىسقا قاتىستى 200 دەن استام قۇرىلىس كومپانياسىنا ايىپپۇل سالىندى
استانا. قازاقپارات - اباتتاندىرۋ ەرەجەسىن بۇزعان قۇرىلىس كومپانيالارىنا 16 ميلليون تەڭگەگە جۋىق ايىپپۇل سالىندى، دەپ حابارلايدى قالالىق اكىمدىكتىڭ مەديا ورتالىعى.
ون ءبىر اي ىشىندە ەلوردالىق پوليتسيا قىزمەتكەرلەرى قالا مەن ەلدى مەكەندەردى اباتتاندىرۋ ەرەجەلەرىن بۇزعان 225 قۇرىلىس كومپانياسىن اكىمشىلىك جاۋاپكەرشىلىككە تارتتى. سالىنعان ايىپپۇلداردىڭ جالپى سوماسى 15,905 ميلليون تەڭگە بولدى.
كاسىپورىندارعا ايىپپۇلدى ۋاقتىلى قاردى، مۇزدى، ىرگەلەس اۋماقتاردى قوقىستان تازالاماعانى ءۇشىن جانە قۇرىلىس ماتەريالدارى مەن قالدىقتارىن قۇرىلىس ۋچاسكەسىنىڭ اۋماعىنان تىس جيناعانى، قورشاۋىنىڭ بولماعانى، جۇك كولىكتەردىڭ دوڭگەلەكتەرىنىڭ جۋىلماعانى ءۇشىن جانە ت. ب. سالدى.
