شىعىس قازاقستان وبلىسىندا الاپات دالا ورتىنەن 200 دەن استام مال قىرىلدى
«قازاقپارات» ح ا ا تىلشىسىنە بەرگەن سۇحباتىندا كوميسسيا باسشىسى اۋدان اكىمىنىڭ ورىنباسارى سەرىكقازى ءسادۋاقاسوۆتىڭ ايتۋىنشا، وسى كۇندەرى جۇمىس توبى 150 شاقىرىمعا سوزىلعان اۋماقتى تەكسەرىپ شىققان. باستاپقى مالىمەت بويىنشا، 12 وتار ورتەنىپ، 212 مال (سونىڭ ىشىندە 202 باس قوي- ەشكى، 7 باس ءىرى قارا جانە 3 جىلقى) ولگەن.
بۇرىن ق ر ءى ءى م ت ج ك ءورت سالدارىنان 40 باس جىلقى جانە 50 باس ءىرى قارا ولگەنىن مالىمدەگەن بولاتىن.
«باستىسى، وسى اپاتتا ادام شىعىنى بولعان جوق، قالعان دۇنيەنىڭ ورنى تولادى. ەرتەڭ تاڭەرتەڭ بارلىق شارۋا قوجالىقتارى مەن جەرگىلىكتى اكىمدەردى جينايمىز. ءورت اپاتىنىڭ سالدارىن تالقىلاپ، زارداپ شەككەن قوجالىقتارعا قالاي كومەكتەسۋ جاعىن ويلاستىرامىز»، - دەيدى ارنايى كوميسسيانىڭ باسشىسى س. ءسادۋاقاسوۆ.
ونىڭ ايتۋىنشا، ءورتتىڭ جالپى زالالى تۋرالى ايتۋعا ءالى ەرتە، اۋماق وتە ۇلكەن، جۇمىس توبى تاۋلىك بويى جۇمىس ىستەپ جاتىر.
«ءورتتى قابانباي اۋىلىنا 5-6 شاقىرىم، الاكول وزەنىنىڭ جاعالاۋىنداعى دەمالىس بازاسىنان بىرنەشە شاقىرىم قالعاندا ءسوندىرۋدىڭ ءساتى ءتۇستى»، - دەدى ول.
ەسكە سالا كەتسەك، 9 - جەلتوقساندا شىعىس قازاقستان وبلىسىنىڭ ءۇرجار اۋدانىنىڭ قابانباي اۋىلىندا ءۇش مىڭ گەكتاردان استام جەردى ءورت شارپىعان بولاتىن. قابانباي اۋىلىنان 8 كيلومەتر قاشىقتىقتا ورنالاسقان قىستاۋلاردان 21 ادام، سونىڭ ىشىندە 8 بالا قاۋىپسىز جەرگە كوشىرىلدى. كۇشتى جەل مەن كوپ جەردىڭ باتپاقتى بولۋى ءورتتى ءسوندىرۋدى قيىنداتىپ جىبەردى.
