15:15, 09 - مامىر 2017 | GMT +5
قىتايدا كۇيەۋ جىگىت ۇيلەنۋ تويىنا 200 وتىرىك «تۋىسقان» جالداعان
استانا. قازاقپارات - قىتايدا ءوزىنىڭ تۋىستارى مەن دوستارىنىڭ ءرولىن ويناپ بەرەتىن ادامداردى «تۋىسقان» ەتىپ تويعا شاقىرعان كۇيەۋ جىگىت ۇستالدى.
بۇل تۋرالى شەتەلدىك ب ا ق حابارلايدى.
كەلىننىڭ تۋىستارى سۇراعان كەزدە، وتىرىك قوناقتار وزدەرىنىڭ كۇيەۋ جىگىتكە قانداي تۋىس بولىپ كەلەتىنىن ءتۇسىندىرىپ بەرە الماعان.
كەيىن بەلگىلى بولعانداي ەر ادام وتىرىك قوناقتاردىڭ ءارقايسىنا 80 يۋان تولەۋگە ۋادە بەرگەن. ال ونىڭ اعاسى، اپكەسى جانە اعايىندارىنىڭ ءرولىن قاراپايىم تاكسيستەر مەن ستۋدەنتتەر «ويناپتى».
كۇيەۋ جىگىتتىڭ بۇل ارەكەتىنىڭ سەبەبى بەلگىسىز بولىپ قالىپ وتىر. كەلىننىڭ ايتۋىنشا، ءۇش جىل ىشىندە ول ءوزىنىڭ جىگىتىنىڭ بويىنان ەشقانداي ەرسى نارسە بايقاماپتى.
ءبىر نۇسقا بويىنشا جىگىت ءوزىنىڭ كەدەي شىققان تەگىنەن ۇيالىپ، وسىنداي قادامعا بارعان بولۋى مۇمكىن.
