ۆاشينگتونداعى تارتىپسىزدىككە قاتىسىپ ۇستالعانداردىڭ سانى 200 دەن استى
دەپ جازادى lenta.ru Reuters اگەنتتىگىنە سىلتەمە جاساپ.
وسى وقيعانىڭ سالدارىنان 6 پوليتسيا قىزمەتكەرى جاراقات الدى.
ۇستالعان ازاماتتار ءتۇنى بويى قاماۋدا وتىرادى، كەلەسى كۇنى ولار سوتتىڭ الدىندا جاۋاپ بەرەدى.
ۇستالعان ازاماتتاردىڭ باسىم بولىگى ترامپتىڭ لاۋازىمىنا كىرىسۋىنە بايلانىستى سالتاناتتى شارا ءوتىپ جاتقان پەنسيلۆانيا- اۆەنيۋدىڭ بىرنەشە ورامىندا تۇتقىنعا الىندى. بۇكىل قالا بويىنشا قارسىلىق تانىتۋشىلار توپ- توبىمەن «ترامپ پرەزيدەنت ەمەس»، «ناسىلشىلدەرگە جول جوق» دەگەن ماعىناداعى ۇراندارىن كوتەرىپ شىعىپ جاتىر.
تارتىپسىزدىكتەر ۇلىقتاۋ ءراسىمى بارىسىندا باستالدى. ترامپتىڭ بيىلىگىنە قارسىلار پوليتسيامەن قاقتىعىسا باستادى. بەتتەرىن ارنايى ماسكالارمەن جانە ورامالدارمەن تۇمشالاپ العان شامامەن 500-گە جۋىق ادام ۆاشينگتوننىڭ ورتالىعىنان ءوتتى. ولار جول- جونەكەي دۇكەندەر مەن جول جيەگىندە تۇرعان كولىكتەردىڭ تەرەزەلەرىن قيراتىپ جاتىر.
