قازاقستاندا ءجىتى كوڭىل ءبولۋدى تالاپ ەتەتىن 200 مىڭعا جۋىق جاس بار

استانا. قازاقپارات - قازاقستاندا ءجىتى كوڭىل ءبولۋدى تالاپ ەتەتىن 200 مىڭعا جۋىق جاس بار. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى، دەپ حابارلايدى قازاقپارات.
None
None

«ەلباسىنىڭ تاپسىرماسىنا سايكەس جۇرگىزىلگەن «جۇمىسپەن قامتۋ» باعدارلاماسى اياسىندا 2011-2016 -جىلدارى 380 مىڭنان اسا جاسقا مەملەكەتتىك قولداۋ كورسەتىلدى. سونىڭ ناتيجەسىندە جاستار اراسىنداعى جۇمىسسىزدىقتىڭ دەڭگەيى ستاتيستيكا مالىمەتتەرىنە سايكەس سوڭعى 3 جىلدا 4 پايىزدىڭ دەڭگەيدە تۇر. دەگەنمەن قازىرگى تاڭدا جاستار اراسىندا ءجىتى كوڭىل ءبولۋدى تالاپ ەتىپ وتىرعان 200 مىڭعا جۋىق ازامات بار. ولاردىڭ 56 پايىزى اۋىلدا تۇرادى، 90 مىڭى جۇمىسسىزدار، 103 مىڭى ءوزىن ءوزى جۇمىسپەن قامتىعان ازاماتتار»، - دەدى دۇيسەنوۆا.

ءمينيستردىڭ دەرەگىنشە، ولاردىڭ كوپشىلىگى تەك ورتا مەكتەپتى ءتامامداعان جاستار. بۇل ساناتتاعى جاستارعا مەملەكەتتىك قولداۋ بيىلعى جىلى جۇزەگە اسىرىلعالى وتىرعان «ناتيجەلى جۇمىسپەن قامتۋ» جانە «جاپپاي كاسىپكەرلىكتى دامىتۋ» باعدارلامالارى اياسىندا كوزدەلگەن. ولار اتالعان باعدارلاما بويىنشا وقىپ، كاسىپكەرلىك قىر-سىرىن ۇيرەنەدى، نەسيە الىپ، ءوز ىستەرىن باستاي الادى.

«اتقارىلار جۇمىستىڭ ناتيجەلىلىگى بەرىلەتىن قولداۋدىڭ ناقتىلىعىنا بايلانىستى. وتكەن جىلى اقمولا وبلىسىنىڭ ارشالى اۋدانىندا، اقتوبە قالاسى مەن وعان قاراستى 6 كەنتتە اۋىل اكىمىنىڭ اۆتوماتتاندىرىلعان جۇمىس ورنى اقپاراتتىق جۇيەسىن ىلكى تۇردە ەنگىزدىك. وندا تەك تۇرعىنداردىڭ سانى مەن تۇرمىستىق جاعدايى عانا ەمەس سونىمەن بىرگە مەملەكەتتىك قولداۋدى قاجەت ەتەتىن ازاماتتاردىڭ مارتەبەسىن انىقتاۋ مۇمكىندىگى تۋىندادى. وسىنداي اقپاراتتىق جۇيەنى بارلىق وبلىستاردىڭ، استانا مەن الماتى قالالارىنىڭ اكىمدىكتەرى جەرگىلىكتى جەرلەردە كەزەڭ- كەزەڭىمەن ەنگىزۋى قاجەت دەپ ويلايمىز»، - دەدى ول.

دۇيسەنوۆانىڭ ايتۋىنشا، بۇل جۇيە ەڭ الدىمەن بارلىق دەڭگەيدەگى اكىمدەر ءۇشىن اۋىل تۇرعىندارى تۋرالى جان- جاقتى مالىمەت قامتىعان ناقتى دەرەكتەر قورى بولىپ سانالادى. سونىمەن بىرگە ەلەكتروندى ۇكىمەت جۇيەسىن اۋىل ايماقتارعا دەيىن تاراتۋعا مۇمكىندىك بەرەدى.

اۆتور: مارلان جيەمباي

سوڭعى جاڭالىقتار