سولتۇستىك قازاقستان وبلىسىندا 200 دەن استام ادامعا راقىمشىلىق جاسالادى

پەتروپاۆل. قازاقپارات - سولتۇستىك قازاقستان وبلىسىندا 200 دەن استام ادامعا راقىمشىلىق جاسالادى، دەپ حابارلايدى «قازاقپارات» ح ا ا ءتىلشىسى.

وڭىردەگى التى كولونيادا 1971 ادام جازاسىن وتەۋدە. الدىن الا دەرەكتەر بويىنشا، ونىڭ 230 ى راقىمشىلىق ارەكەتىنە سايكەس كەلەدى.

«ونىڭ ىشىندەگى 40 ادام بوساتىلسا، 116 سوتتالۋشىنىڭ جازاسىن وتەۋ مەرزىمى قىسقارتىلادى. ءتىزىم جاسالدى. ۇلكەن ەمەس جانە ورتا قيىندىقتاعى قىلمىس جاساعان سوتتالۋشىلار بوساتىلادى»، - دەپ ايتتى س ق و ق ا ج د ارنايى تىركەۋ توبىنىڭ باس مامانى ساۋلە مۋستافينا.

سونىمەن قاتار، راقىمشىلىققا تۇرعىنداردىڭ الەۋمەتتىك جاعىنان وسال توپتارى: مۇگەدەكتەر، كامەلەتكە تولماعاندار، زەينەت جاسىنداعى سوتتالۋشىلار مەن كامەلەتكە تولماعان بالالارى بار زاڭ بۇزۋشىلار سايكەس كەلەدى.