الماتىدان ۇرىمجىگە 200 گە جۋىق ادام ەكىنشى تاۋلىك بويى ۇشىپ كەتە الماي وتىر
بۇل تۋرالى وتكەن تۇندە Tengrinews.kz ءتىلشىسى الماتىدان حابارلاعان بولاتىن.
جولاۋشىلاردىڭ ايتۋىنشا، China Southern Airlines اۆياكومپانياسىنىڭ رەيسى 19 -جەلتوقساندا ۇشىپ كەتۋى كەرەك بولعان.
«ءبىز بانگوكقا دەيىن بيلەت العانبىز، ول قىتاي ارقىلى ۇشاتىن بولعان. كەشە 22.00 دە ۇشىپ كەتۋىمىز كەرەك بولعان. ءبىزدىڭ رەيسىمىزدى اۋا رايىنىڭ قولايسىزدىعىنا وراي كەيىنگە شەگەردى. تاڭعى ۋاقىتقا اۋىستىردى. تاڭەرتەڭ ءبىز تاعى ءۇشىپ كەتە المادىق. ءبىز كەدەندىك باقىلاۋدان ءوتىپ، بۋفەرلىك ايماققا وتكەنىمىزدە ۇشاقتىڭ ۇشىپ كەلمەگەنىن حابارلادى. ءبىز شامامەن 200 گە جۋىق ادامبىز. ءبىز ىشكى رەيستەرگە العان بيلەتتەرىمىزدەن ايىرىلدىق، تايلاندتاعى قوناق ۇيلەر مەن بارلىق نارسەدەن، ولار بىزگە وتەماقى بەرمەيدى»، - دەدى جولاۋشىلاردىڭ ءبىرى.
ونىڭ ايتۋىنشا، China Southern Airlines اۋە كومپانياسى ناقتى ءبىر جاۋاپ ايتپاعان. «ءبىز ەكىنشى تاۋلىك بويى اۋەجايدا ءجۇرمىز. ارينە بىزگە ەشكىم دە قوناق ءۇي مەن تاماققا قامتاماسىز ەتپەيدى»، - دەدى ەر ادام.
