14:23, 30 - قىركۇيەك 2016 | GMT +5
برازيليادا 200 دەن استام تۇتقىن تۇرمەدەن قاشىپ كەتتى
استانا. قازاقپارات - برازيليانىڭ سان- پاۋلۋ شتاتىنداعى جاردينوپوليس مۋنيتسيپاليتەتىندە ورنالاسقان تۇرمەدەن كەم دەگەندە 200 تۇتقىن قاشىپ كەتتى. ولار تۇرمەدەن قاشۋ ءۇشىن الدىمەن قولدان ءورت ۇيىمداستىرعان،
دەپ حابارلايدى RT.
جۇرتتىڭ اۋرە- سارساڭعا تۇسكەنىن پايدالانعان قىلمىسكەرلەر تۇرمەنى قورشاپ تۇرعان بيىكتىگى 4 مەترلىك قورشاۋدى قۇلاتقان.
قۇقىق قورعاۋ ورگاندارىنىڭ مالىمەتى بويىنشا قازىرگى ۋاقىتتا قاشقىنداردىڭ جارتىسى تۇرمە اينالاسىنداعى قانت قامىستارىندا تىعىلىپ ءجۇر. ال قالعانى كورشى ريۋ- پارتۋ مۋنيتسيپاليتەتىنە ءوتىپ ۇلگەرگەن. قازىرگى ۋاقىتتا جاردينوپوليستەگى تۇرمەدە 1864 تۇتقىن بار. ال بۇل سان بەلگىلەنگەن نورمادان 800 ادامعا كوپ.
www.24.kz
