لەنيننىڭ دەنەسىن ءبىر جىل قاز-قالپىندا ساقتاۋ جۇمىستارى 200 مىڭ ا ق ش دوللارىنا باعالاندى

استانا. قازاقپارات - ۆلاديمير لەنيننىڭ بەينەسىن ءتىرى كەزىندەگىدەي ساقتاۋ جۇمىستارى 2016-جىلى 13 ميلليون رۋبلگە (197 مىڭ ا ق ش دوللارى) باعالاندى.

بۇل تۋرالى رەسەيدىڭ مەملەكەتتىك ساتىپ الۋلار پورتالىندا حابارلاندى.

حابارلامادا جازىلعانداي، جۇمىستاردىڭ تاپسىرىس بەرۋشىسى - رەسەيدىڭ فەدەرالدى كۇزەت قىزمەتى.

حابارلاماعا سايكەس، قىزمەت تۇراقتى تۇردە 2016-جىلدىڭ قاراشا ايىنا دەيىن كورسەتىلۋى كەرەك.

سوڭعى جىلدارى لەنيندى جەرلەۋ ماسەلەسى ءجيى كوتەرىلىپ تۇرادى، ءبىراق رەسەيلىك قوعامدا بۇل جونىندە ءبىرجاقتى پىكىر جوق.

ۆلاديمير يليچ 1924-جىلدىڭ 21- قاڭتارىندا دۇنيە سالدى. ول قايتىس بولعاننان كەيىن دەنەسىنە بالزام جاعىلىپ، ماسكەۋدەگى قىزىل الاڭ ماۆزولەيىنە قويىلدى.