استانا مەن الماتىدا جالعا بەرىلەتىن باسپانانىڭ شارشى مەترى 200 مىڭ تەڭگەدەن اسپايدى

استانا. قازاقپارات - اكىمدىك تىزىمىندە كەزەكتە تۇرعىندار ءۇشىن ارەندالىق باسپانا قۇرىلىسىنا جانە ىشكى كوشى- قونعا وڭىرلىك كۆوتالاردى جۇزەگە اسىرۋعا «بايتەرەك» حولدينگى جەلىسى بويىنشا 53 ميلليارد تەڭگە باعىتتالادى.

 بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.

 «استانا مەن الماتى قالالارىندا ءبىر شارشى مەتر باسپانانىڭ قۇنى 200 مىڭ تەڭگەدەن اسپايدى، ال قالعان وڭىرلەردە ينجەنەرلىك- كوممۋنيكاتسيالىق ينفراقۇرىلىمدى قوسقاندا 180 مىڭ تەڭگە بولادى. شامامەن ءبىر ايعا تولەنەتىن ارەندالىق تولەم ساتىپ الۋ قۇقىعىنسىز استانا مەن الماتىدا شارشى مەترىنە - 640 تەڭگە، باسقا وڭىرلەردە - 550 تەڭگە. ال ساتىپ الۋ قۇقىعىمەن استانا مەن الماتىدا شارشى مەترىنە - 1230 تەڭگە، باسقا وڭىرلەرگە - 1110 تەڭگە بولماق. 2016 - جىلى وسى تەتىك بويىنشا 324 مىڭ شارشى مەتر باسپانا تاپسىرىلادى»، - دەدى ول.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىنا سايكەس تۇرعىن ءۇي قۇرىلىسىن ىنتانالاندىرۋ ءۇشىن 360 ميلليارد تەڭگە بولىنەتىن بولادى.

ال «تۇرعىن ءۇي قۇرىلىس جيناق بانكى» ا ق سالىمشىلارى ءۇشىن نەسيەلىك باسپانا قۇرىلىسىنا «بايتەرەك» حولدينگى ارقىلى 149 ميلليارد تەڭگە بولىنەدى. بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى ەربولات دوسايەۆ وسىلاي ءمالىم ەتتى.

ونىڭ ايتۋىنشا، استانا مەن الماتىدا ءبىر شارشى مەتر باسپانانىڭ قۇنى 180 مىڭ تەڭگەدەن اسپايتىن بولادى، ال قالعان وڭىرلەردە 140 مىڭ تەڭگە دەڭگەيىندە قالىپتاسپاق. 2016 -جىلى اتالعان تەتىك بويىنشا 814 مىڭ شارشى مەتر تۇرعىن ءۇي سالىنادى دەپ كۇتىلۋدە.

 بەلگىلى بولعانداي، «تۇرعىن ءۇي قۇرىلىس جيناق بانكى» سالىمشىلارى ءۇشىن نەسيەلىك باسپانا قۇرىلىسى 0,1 پايىزبەن 20 جىل مەرزىمگە «بايتەرەك» حولدينگى وبليگاتسيالارىن شىعارۋ ارقىلى جۇزەگە اسىرىلادى. كەيىننەن 0,15 پايىزبەن «بايتەرەك ديەۆەلوپمەنت» ا ق- نىڭ زايمى ۇسىنىلادى. سونىمەن قاتار «بايتەرەك ديەۆەلوپمەنت» ا ق قارجىنىڭ ءبىر بولىگىن 0,15 پايىزبەن اكىمدىكتەرگە 20 جىل بويىندا ءاربىر ەكى جىل سايىن پوترانشتى وبليگاتسيالاردى شىعارۋ ارقىلى ۇسىنادى.

اۆتور: رۋسلان عابباسوۆ