10:56, 02 - قاڭتار 2016 | GMT +5
تانىمال انشىگە بالالى بولعانى ءۇشىن كۇيەۋى $200 مىڭنىڭ كولىگىن سىيلادى
استانا. قازاقپارات - تانىمال وتاندىق ءانشى سيۆي ماحمۋدي بيىل ەكى ۇلدان كەيىن كوپتەن كۇتكەن قىز بالانى دۇنيەگە اكەلدى.
بۇل تۋرالى 31 - ارنانىڭ «جىل جاڭالىعى»باعدارلاماسىنا سىلتەمە جاساپ NUR. KZ حابارلايدى.
سيۆي دۇنيەگە كەلگەن نارەستەسىنىڭ ەسىمىن ساليدات دەپ قويعان. جۇبايى مەن نارەستەسىن پەرزەنتحانادان شىعارعان وتاعاسى سيۆيگە 200 مىڭ دوللار تۇراتىن Bentley قىمبات كولىگىن سىيعا تارتتى. اپپاق كولىكتى وتاعاسى بانتپەن بەزەندىرىپ، تۋرا پەرزەنتحانا الدىنا اكەلىپتى.
ءانشىنىڭ ايتۋىنشا، بيىلعى جىل ءوزى جانە شىعارماشىلىعى ءۇشىن تابىستى بولىپ، داعدارىستىڭ سالقىن سامالىن سەزىنە قويماپتى.
ايتا كەتسەك، ءانشى جاڭا جىلدى بىرىككەن اراب امىرلىكتەرىندە، دۋبايدا قارسى العان. 
