جىل باسىنان بەرى استانادا ونەركاسىپ ءونىمىنىڭ كولەمى 200 ميلليارد تەڭگەگە جۋىق بولدى
2014-جىلعى قاڭتار-قىركۇيەكتەگى دەڭگەيگە قاتىستى العاندا 2015-جىلعى قاڭتار-قىركۇيەكتە ونەركاسىپ ءونىمىنىڭ ناقتى كولەم يندەكسى %108 بولدى، دەپ حابارلادى astana.gov.kz.
استانا قالاسى ستاتيستيكا دەپارتامەنتىنىڭ حابارلاۋىنشا، وڭدەۋ ونەركاسىبىندەگى ءونىمنىڭ ناقتى كولەمى 2014-جىلعى قاڭتار-قىركۇيەكتەگى دەڭگەيمەن سالىستىرعاندا %9,2 عا ءوستى جانە قولدانىستاعى باعامەن 151,4 ميلليارد تەڭگەنى قۇرادى. وڭدەۋ ونەركاسىبىندەگى ءوندىرىس كولەمىنىڭ ءوسۋى مەتاللۋرگيا ونەركاسىبىنىڭ، جيھازدان باسقا اعاشتان جاسالعان بۇيىمداردى ءوندىرۋ؛ ساباننان جانە ورۋگە ارنالعان ماتەريالدان جاسالعان بۇيىمدار وندىرىسىندە بايقالادى.
تاماق ونىمدەرى وندىرىسىندە ناقتى كولەم يندەكسى %95,1 دى قۇرادى. 2014-جىلعى قاڭتار-قىركۇيەكتەگى دەڭگەيمەن سالىستىرعاندا شۇجىق ونىمدەرىن ءوندىرۋ %19,5 عا قىسقاردى. سونىمەن قاتار، ماكارون ونىمدەرىن ءوندىرۋ %9,8 عا ءوستى.
قۇرىلىس يندۋسترياسى كاسىپورىندارى سەمەنتتەن، بەتوننان نەمەسە جاساندى تاستان جاسالعان تاقتايشالار، تاقتالار، كىرپىشتەر جانە ۇقساس بۇيىمدار (%114,3)، تاۋارلى بەتون (%112) ءوندىرىسىنىڭ ءوسىمىن قامتاماسىز ەتتى. ماشينا جاساۋدا ءونىمنىڭ ناقتى كولەمىنىڭ تومەندەۋى نەگىزىنەن وزگە دە كولىك قۇرالدارىن شىعارۋدىڭ قىسقارۋىنا قاتىستى (%67,6) ورىن الدى.
2015-جىلعى قاڭتار-قىركۇيەكتە ەلەكترمەن جابدىقتاۋ، گاز، بۋ بەرۋ جانە اۋا باپتاۋدا ءونىم (تاۋار، قىزمەت) كولەمى 37,5 ميلليارد تەڭگەنى قۇرادى، 2015-جىلعى قاڭتار-قىركۇيەكتەگى ناقتى كولەم يندەكسى 2014-جىلعى قاڭتار-قىركۇيەككە قاراعاندا %103,7 بولدى.
2015-جىلعى قاڭتار-قىركۇيەكتە سۋمەن جابدىقتاۋ، كارىز جۇيەسى، قالدىقتاردىڭ جينالۋىن جانە تاراتىلۋىن باقىلاۋدا قىزمەت كولەمى 2014-جىلعى قاڭتار-قىركۇيەكپەن سالىستىرعاندا %2,3 عا ازايىپ، 5,9 ميلليارد تەڭگەنى قۇرادى.
