05:36, 13 - قىركۇيەك 2015 | GMT +6
گەرمانيادا بوسقىندارعا ارنالىپ 200 مەشىت سالىنۋى مۇمكىن
استانا. قازاقپارات - ساۋد ارابياسى گەرمانيا مەملەكەتىنىڭ اۋماعىندا سيريالىق بوسقىندارعا ارناپ 200 مەشىت سالىپ بەرۋگە ۇسىنىس جاسادى، دەپ حابارلادى. www.muslim.kz .
ساۋد ارابياسى بيلىگى شەت ەلدەرگە كەتكەن بوسقىنداردىڭ يسلام ءدىنىن ەركىن ۇستانۋىنا وسىلايشا جاعداي جاساماق بولىپ شەشىپتى. قۇرىلىس جۇمىستارى جايىندا ساۋد ارابيا ۇكىمەتى گەرمانيا بيلىگىمەن كەلىسسوز جۇرگىزەتىنىن مالىمدەدى.
ب ۇ ۇ- نىڭ مالىمەتى بويىنشا، ەۋروپاعا اعىلعان بوسقىندار لەگى الداعى ەكى جىل ىشىندە 850 مىڭعا جۋىقتاۋى ءتيىس. سونداي- اق، بوسقىنداردىڭ كوبىسى گەرمانيا اۋماعىنا ورنالاسادى دەگەن بولجام بار.