ن. نازاربايەۆتىڭ 200 دەن استام قوعامدىق ناگرادالارى استاناداعى كورمەگە قويىلدى - فوتو

استانا. قازاقپارات - بۇگىن ەلوردادا ق ر تۇڭعىش پرەزيدەنتىنىڭ مۋزەيىندە مەملەكەت باسشىسى نۇرسۇلتان نازاربايەۆتىڭ قوعامدىق ناگرادالارى جۇرتشىلىق نازارىنا ۇسىنىلدى.

مۋزەي جانىنداعى ەڭ باستى ءارى ماڭىزدى ورىندى ەلباسىنىڭ ناگرادالار قورى الادى.

ونىڭ قۇرامىنا قازاقستان رەسپۋبليكاسى جانە شەتەلدىك مەملەكەتتەردىڭ جوعارى مەملەكەتتىك جانە قوعامدىق ناگرادالاردىڭ كوللەكتسيالارى كىرەدى.

قالىڭ جۇرتشىلىق الدىنا العاش رەت ق ر پرەزيدەنتىنىڭ 200 دەن استام ماراپاتتارى - وردەندەر، مەدالدار، قۇرمەتتى جانە ەستەلىك توسبەلگىلەر، كۋالىكتەر، ديپلومدار مەن سەرتيفيكاتتار قويىلىپ وتىر.

«مۋزەيىمىزدىڭ قورى بۇگىن باسقا، مەيلىنشە تولىق قىرىنان كورىنىپ وتىر. ءبىزدىڭ مۋزەيگە كەلىپ تۇراتىن تۇراقتى كەلۋشىلەر ءبىزدىڭ كۇمىس زالدا جوعارى مەملەكەتتىك ناگرادالار بارىن بىلەدى. ول ماراپاتتار نۇرسۇلتان نازاربايەۆ 1997 -جىلدان باستاپ يەلەنگەن. ول شەتەل مەملەكەتتەرىنىڭ جوعارى ناگرادالارى بولسا، بۇگىن ءبىز قوعامدىق ناگرادالار قورىن كورسەتەمىز. ولار ءتۇرلى قوعامدىق ۇيىمدارمەن، ساراپشىلىق جانە كاسىبي قوعامداستىقتارمەن تاعايىندالادى. بۇل ەلباسىمىزدىڭ مەملەكەتتىك ەمەس قىزمەتىنىڭ كورىنىسى دەسە دە بولادى»، - دەيدى مۋزەي ديرەكتورىنىڭ ورىنباسارى كۇلايشا اقتايەۆا.

كورمە بىرنەشە تاقىرىپتىق بولىمدەرگە بولىنگەن جانە 17 -تامىزعا دەيىن جالعاسادى.

 

اۆتور: جاسۇلان جولدىبايەۆ