02:33, 13 - مامىر 2015 | GMT +5
بىرىككەن ۇلتتار ۇيىمىنا 200 گە جۋىق عالىم ءوز وتىنىشتەرىن ايتتى
استانا. قازاقپارات - ا ق ش- تىڭ كولۋمبيا ۋنيۆەرسيتەتىنىڭ مەديتسينا ورتالىعىنىڭ بيولوگى مارتين بلەنكتىڭ ويىنشا، سەمىزدىك، اۋتيزم، بالالاردىڭ ءولى تۋىلۋ وقيعالارىنىڭ كوبەيۋى رادياتسيامەن بايلانىستى.
تەلەفوندار مەن نوۋتبۋكتاردان، پلانشەتتەر مەن وزگە دە سىمسىز بايلانىس قۇرالدارىنان ەلەكتروماگنيتتىك رادياتسيا تارايدى. الەمنىڭ 200 گە جۋىق عالىمى بىرىككەن ۇلتتار ۇيىمىنا وسى قاۋىپتەن قورعانۋ ەرەجەسىن قابىلداۋ تۋرالى ءوتىنىش جىبەردى.
ولاردىڭ پىكىرىنشە، تەلەكوممۋنيكاتسيالىق مۇنارالاردان تارايتىن رادياتسيالىق تولقىندار ادام دەنەسىندەگى كلەتكالاردى زاقىمداپ، ولاردى راك، جۇيكە جانە جۇرەك اۋرۋلارىنا شالدىقتىرۋدا. ا ق ش- تىڭ كولۋمبيا ۋنيۆەرسيتەتىنىڭ مەديتسينا ورتالىعىنىڭ بيولوگى مارتين بلەنكتىڭ ويىنشا، سەمىزدىك، اۋتيزم، بالالاردىڭ ءولى تۋىلۋ وقيعالارىنىڭ كوبەيۋى ءدال وسىنداي رادياتسيامەن بايلانىستى.
«قازاقستان» ارناسى
