الماتىدا ءسۇيىنباي ارون ۇلىنىڭ 200 جىلدىعىنا وراي جاس اقىندار ايتىسى ءوتتى
13-ناۋرىزى كۇنى الماتى قالاسى تاريحىنىنىڭ مۋزەيىنىڭ ۇيىمداستىرۋىمەن قازاق حاندىعىنىڭ 550 جىلدىعى جانە ءسۇيىنباي ارون ۇلىنىڭ 200 جىلدىق مەرەيتويىنا ارنالعان جاس اقىندار اراسىندا ايتىس ءوتتى.
ۇلتتىق ونەرىمىزدى ۇلىقتاۋعا الماتى قالاسىنداعى ج و و- نىڭ ستۋدەنتتەرى قاتىسىپ، ايتىس ونەرىنىڭ تاماشا ۇلگىسىن كورسەتتى. ءىس- شارانىڭ ماقساتى - قازاق حاندىعىنىڭ 550 جىلدىعىن جانە ايتىس ونەرىنىڭ التىن دىڭگەگى بولعان ءسۇيىنباي ارون ۇلىن جاستار اراسىندا ناسيحاتتاپ، جاستار اراسىندا ۇلتتىق ونەرىمىز ايتىستى دامىتۋ.
جاس ايتىسكەر اقىندار اراسىندا وتكەن ءدۇبىرلى دوداعا 10 اقىن قاتىسىپ، ارنايى جۇلدەلەرگە يە بولدى. باس جۇلدەنى قازاق مەملەكەتتىك قىزدار پەداگوگيقالىق ۋنيۆەرسيتەتىنىڭ ستۋدەنتى زۋرا شايدىمۇرات يەلەندى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ 4 -كۋرس ستۋدەنتى جۇمابەك قىزى اياۋلىم 1- ورىنعا يە بولىپ، جامبىل اتىنداعى ارنايى جۇلدەمەن ماراپاتتالدى.
ءال- فارابي اتىنداعى قازاق ۇلتتىق ۋنيۆەرسيتەتىنىڭ 3 -كۋرس ستۋدەنتى ايتبەك تۇرسىنبايەۆ 2 -ورىنعا يە بولىپ، «قۇلان ايان قۇلمامبەت» اتىنداعى ارنايى جۇلدەمەن ماراپاتتالدى.
قازاق مەملەكەتتىك قىزدار پەداگوگيقالىق ۋنيۆەرسيتەتىنىڭ ستۋدەنتى قايىنبەك قىزى ارزىگۇل 3 -ورىنعى يە بولىپ، «اقىن سارا» اتىنداعى ارنايى جۇلدەگە يە بولدى. ايتىسقا بەلسەنە قاتىسقان قالعان 6 اقىنعا ارنايى العىس حات جاريالانىپ، سىيلىقتار تابىس ەتىلدى.
ايمان اقەدىل قىزى
"Kazaitys.kz"
