09:34, 15 - قىركۇيەك 2014 | GMT +5
كەمە اپاتقا ۇشىراپ، 200 ادام اجال قۇشتى
استانا. قازاقپارات - ەۋروپاعا جول تارتقان شامامەن 250 ميگرانت بار كەمە ليۆيا جاعالاۋلارىندا اپاتقا ۇشىرادى، دەپ حابارلادى بۇگىن رەيتەر اگەنتتىگى ليۆيا اسكەري-تەڭىز كۇشتەرىنە سىلتەمە جاساپ.
اسكەريلەر تريپوليدان شىعىسقا قاراي تادجۋرا قالاسى ماڭىندا سۋعا باتقان كەمەدەن 26 ادامدى عانا قۇتقاردى. «تەڭىزدە ءولى دەنەلەر وتە كوپ»، - دەپ ءمالىم ەتتى ەلدىڭ اسكەري-تەڭىز كۇشتەرىنىڭ وكىلى ايۋب كاسسەم، ول مەرت بولعان ادامداردىڭ ناقتى سانىن ايتا المادى.
جاسىرىن كوشى-قون سوڭعى جىلدارى ەۋرووداق ەلدەرى ءۇشىن وتە پروبلەمالى ماسەلەگە اينالدى. 2010-جىلى ليۆيا افريكاندىق ميگرانتتاردىڭ ە و-عا بارار جولىنداعى نەگىزى بەكەت بولدى، ال جاسىرىن كوشى-قون قىلمىستىق ىسكە جاتقىزىلدى.
ناق وسى اۋقىمدى جەرورتاتەڭىزدىك ليۆيالىق شەكارا جىل سايىن ەۋروپالىق ەلدەرگە جۇمىس جانە جايلى ءومىر ىزدەپ اتتانعان مىڭداعان جاسىرىن ميگرانتتار اتتاناتىن باستى نۇكتە بولدى.
