رەسەيگە سالىنعان سانكسيالار مۇناي باعاسىن 200 دوللارعا دەيىن جەتكىزۋى مۇمكىن
ونداي جاعدايدا ەۋروپادا گاز قىمباتتاپ، ونەركاسىبى دامىعان جەتەكشى ەلدەر ءى جء و- ءنىڭ 2,4 - 3,5 پايىزىنان قاعىلادى.
بۇل تۋرالى Oxford Economics كونسالتينگتىك كومپانياسىنىڭ ساراپتاماسىندا جازىلعان.
«رەسەيدىڭ مۇناي مەن گازىنا ەمبارگو جاريالانسا، ول جاعدايدى قاتتى كۇردەلەندىرۋى مۇمكىن، باتىس ەلدەرىنىڭ كوشباسشىلارى وعان جول بەرمەۋ ءۇشىن بارىن سالىپ وتىر» ، - دەيدى Oxford Economics ساراپشىسى ادام سلەيتەر. سەبەبى، ماسەلە ۋشىققان جاعدايدا الەمدىك نارىقتا ەنەرگيا تاسىعىشتاردىڭ تاپشىلىعىنان ەۋروايماق 2015 - جىلدىڭ باسىندا ءى ج ءو- ءنىڭ 3,5 پايىزىن جوعالتادى، ال ا ق ش- تا بۇل كورسەتكىش - 3%، جاپونيادا - 2,4 پايىزعا جەتپەك.
«rentB» ماركالى مۇنايدىڭ ورتاشا قۇنى 2014 - جىلعى باعا بويىنشا باررەل ءۇشىن 108,8 دوللاردى قۇراپ وتىر (Bloomberg دەرەكتەرى) . باعانىڭ شارىقتاعان كەزى 2008 - جىلدىڭ ماۋسىمىندا تىركەلگەن (1 باررەل - 147,5 دوللار) . ەكونوميستەردىڭ ايتۋىنشا، سول 2008 - جىلعى مۇناي باعاسىنىڭ ءوسۋى جاھاندىق داعدارىستىڭ باستى سەبەبى بولعان.
«ا ق ش- تا 1974 - جىلدان باستاپ، بارلىق ەكونوميكالىق داعدارىسقا مۇناي باعاسىنىڭ ءوسۋى سەبەپ بولىپ كەلەدى» ، - دەپ جازادى امەريكالىق ساراپشى دجەيمس حەميلتون.
ەۋروپادا مۇنداي دامۋ كورسەتكىشىمەن 2014 - جىلدىڭ ەكىنشى جارتىسىندا تەحنيكالىق رەتسەسسيا بولادى. ناقتىراق ايتقاندا، ەڭ ءبىرىنشى ۆەنگريا، پولشا، تۇركيانىڭ ەكونوميكاسى زارداپ شەگەدى. گاز قۇنى 15 پايىزعا ءوسىپ، مۇناي شامامەن 10 پايىزعا كوتەرىلەدى. ال امەريكا مەن ازيادا مۇنىڭ سالدارى شەكتەۋلى بولۋى مۇمكىن. مامانداردىڭ پىكىرىنشە، ا ق ش پەن جاپونيانىڭ ءى ج ءو 2014 - جىلدىڭ سوڭىنا قاراي تەك 0,5 پايىزعا تومەندەيدى.
