18:57, 15 - شىلدە 2014 | GMT +5
تالدىقورعان جۇرگىزۋشىلەرى مەملەكەتكە 200 ميلليون تەڭگە ايىپپۇل تولەيتىن بولدى
استانا. قازاقپارات - تالدىقورعان جۇرگىزۋشىلەرى ءبىر اپتا ىشىندە بۇزعان جول ەرەجەلەرى ءۇشىن 200 ميلليون تەڭگەدەن استام ايىپپۇل تولەيتىن بولدى.
بۇل قالا كوشەلەرىندە ورناتىلعان بەينەباقىلاۋ جۇيەسىنىڭ ارقاسىندا شىعارىلعان كورسەتكىش.
قالا كوشەلەرىنە ورناتىلعان كامەرالاردىڭ كومەگىمەن 20 مىڭنان استام جول ەرەجەسىن بۇزۋ وقيعاسى تىركەلدى.
9 جارىم مىڭ جول ەرەجەسىن بۇزۋ وقيعاسى جىلدامدىقتى اسىرۋمەن بايلانىستى بولسا، 2 مىڭى باعدارشامنىڭ قىزىل ءتۇسىن ەلەمەگەن جۇرگىزۋشىلەرگە قاتىستى بولىپ وتىر.
ال، جول ەرەجەسىن بۇزعان ازاماتتار تۇسكەن ايىپپۇلداردى 30 تاۋلىك ىشىندە ءوز ەرىكتەرىمەن تولەمەيتىن بولسا، اكىمشىلىك قۇقىقتىق كودەكسىنىڭ 708-709-باپتارىنا سايكەس ءماجبۇرلى تۇردە تولەتۋ ءۇشىن سوت ورىنداۋشىلارىنا جىبەرىلەدى.
«31-ارنا»
