مەملەكەتتىك قۇپيانى ساتپاق بولعان 200 دەن استام لاۋازىمدى تۇلعا قىلمىستىق جاۋاپكەرشىلىككە تارتىلدى - ن. ابىقايەۆ

بۇل جايىندا «كازاحستانسكايا پراۆدا» گازەتىنە بەرگەن سۇحباتىندا ق ر ۇلىتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ ءمالىم ەتكەن.
«اقپاراتتىق قاۋىپسىزدىك سالاسىنداعى سىن-قاتەرلەر مەن قاۋىپتەر ارتىپ كەلەدى. ول ءوز كەزەگىندە كەز كەلگەن مەملەكەتتى قارسى تۇرۋدىڭ ناقتى شارالارىن ازىرلەپ ەنگىزۋگە ماجبۇرلەيدى. بۇل اقپاراتتىق قارىم-قاتىناستاردى رەتتەيتىن ۇلتتىق زاڭناماعا وزگەرتۋلەر مەن تولىقتىرۋلار ەنگىزۋگە عانا ەمەس، سونىمەن بىرگە، اقپاراتتاردى پايدالانۋ جانە قورعاۋ قۇرالدارىن جاڭارتۋ مەن جاڭعىرتۋ اياسىندا سايكەسىنشە تەحنيكالىق ءارى ۇيىمداستىرۋ شارالارىن قابىلداۋمەن دە بايلانىستى جايت»، - دەيدى ول.
كوميتەت ءتوراعاسىنىڭ پايىمىنشا، بۇل باعىتتا اقپارات قورعاۋ قۇرالدارىنىڭ وندىرىستىك بازاسىن دامىتىپ، جەتىلدىرۋ قاجەت. سونىمەن بىرگە اقپاراتتىق تەحنولوگيالار سالاسىنداعى ەلىمىزدىڭ عىلىمي-تەحنيكالىق الەۋەتىن ءتيىمدى پايدالانۋ كەرەك.
«وكىنىشكە وراي، جەكەلەگەن لاۋازىمدى تۇلعالار تاراپىنان قىزمەتتىك جانە مەملەكەتتىك قۇپيانى ساقتاۋعا كەلگەندە نەمقۇرايدىلىققا بوي الدىراتىندىعى ءجيى بولىپ تۇرادى. جەكەلەگەن ازاماتتاردىڭ وزدەرىنىڭ قىزمەتتىك وكىلەتتىگىن اسىرا پايدالانىپ، قۇپيا مالىمەتتەردى ماتەريالدىق سىياقىعا بەرۋگە تىرىسقاندىعى جايىندا فاكتىلەر بار. بۇل دەرەكتەردىڭ بارلىعى انىقتاپ، جولىن كەستىك. تەك سوڭعى 1,5 جىلدىڭ ىشىندە لاۋازىمدى تۇلعالار قاتارىنان 200 دەن استام ادام اكىمشىلىك، تارتىپتىك جانە قىزمەتتىك جاۋاپكەرشىلىككە تارتىلدى»، - دەدى ن. ابىقايەۆ.
اۆتور: مارلان جيەمباي