13:27, 26 - ماۋسىم 2014 | GMT +5
شينجياڭدا تابيعي اپاتتان 200 مىڭنان استام ادام زارداپ شەكتى
استانا. قازاقپارات - ق ح ر-نىڭ سولتۇستىك-باتىسىندا شينجياڭ ۇيعىر اۆتونوميالىق ولكەسىندە ءبىر جارىم اپتادان استام ۋاقىت نوسەرلەپ جاۋعان جاۋىننىڭ ارتى تاسقىنعا ۇلاسىپ 236 مىڭ ادام زارداپ شەكتى، 4 ادام قازا بولدى.

بۇل تۋرالى شينحۋا اگەنتتىگىنە سىلتەمە جاساپ يتار-تاسس حابارلادى.
جەرگىلىكتى بيلىكتىڭ مالىمەتتەرى بويىنشا، ش ۇ ا ءو-ىڭ 27 قالاسى مەن ۋەزىن سۋ باستى. اۋا رايىنىڭ قولايسىزدىعىنان قاۋىپسىز اۋداندارعا ۋاقىتشا 3 مىڭنان استام جەرگىلىكتى تۇرعىن كوشىرىلدى. سۋ تاسقىنىنان كەلگەن زالال 44 ميلليون دوللاردان اسىپ جىعىلدى. اپاتتى اۋدانعا گۋمانيتارلىق كومەك جىبەرىلدى.