ەكسپو قالاشىعىن كۇنىنە شامامەن 200 مىڭ ادام تاماشالايتىن بولادى
بۇل تۋرالى كةشة 7- استانا ەكونوميكالىق فورۋمى بارىسىندا «ەكسپو-2017» حالىقارالىق مامانداندىرىلعان كورمەسىن دايىنداۋ جانە وتكىزۋ ديرەكتسياسى» ج ش س- نىڭ ديرەكتورى باۋىرجان جانسەيىتوۆ ءمالىم ەتتى.
«كورمەگە 5 ميلليوننان استام كەلەدى دەپ كۇتىلۋدە. ەكسپو- عا كەلۋشىلەردىڭ ەڭ جوعارى كورسەتكىشى كۇنىنە 200 مىڭ ادام دەڭگەيىندە بەلگىلەنىپ وتىر. ال قولداعى باعالاۋلار بويىنشا كۇن سايىنعى جولاۋشىلار اعىنى ماسەلەن، اۋەجايدان شامامەن 80 مىڭ ادامدى قۇرايدى» ، - دەدى ول.
ونىڭ اتاپ وتۋىنشە، ەڭ تومەنگى بولجامداردىڭ وزىنە قاراعاندا، ەلورداعا الەمنىڭ 100 ەلىنەن 2,5 ميلليوننان استام قوناق پەن 126 ەلدىڭ رەسمي دەلەگاتتارى كەلەتىن بولادى.
«قالالىق شارۋاشىلىقتىڭ جول، جارىقتاندىرۋ، ەكولوگيا، تۋريزم سالاسى، تاماقتانۋ، قوناقتارعا قىزمەت كورسەتۋ سىندى بارلىق سالالارىنا زور جۇكتەمە تۇسەيىن دەپ تۇر. ءبىز بۇل سىنعا بارىنشا دايىندالۋدامىز» ، - دەدى ب. جانسەيىتوۆ.
اۆتور: مارلان جيەمباي
