قازاقستاندىق زىلتەمىرشى 2008 -جىلعى بەيجىڭ وليمپياداسىنىڭ التىن مەدالىن الدى
قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىبايەۆ حالىقارالىق وليمپيادا كوميتەتىنىڭ اتىنان اللا ۆاجەنينا مەن ولگا رىپاكوۆاعا 2008 -جىلعى بەيجىڭ وليمپياداسىنىڭ مەدالدارىن تاپسىردى.
«اراعا 10 جىل سالىپ وليمپيادا جەڭىمپازى اتانۋ كۇتپەگەن جاعداي. شىنىمدى ايتسام، مەنىڭ كۇمىس جۇلدە التىننان دا ارتىق بولدى. سەبەبى بۇل جەڭىس جولىندا ءبىز جاتتىقتىرۋشىم ەكەۋمىز كوپ تەر توكتىك. ەگەر مەن التىن مەدالدى سول كەزدە ۇتىپ العانىمدا مۇمكىن باسقا سەزىمدە بولار ما ەدىم. ويتكەنى، مەن قىتايدىڭ ەڭ ۇزدىك سپورتشىسى چاو ليمەن باسەكەگە ءتۇستىم. مەن وليمپياداعا دەيىن جاپونيادا وتكەن ازيا چەمپيوناتىندا وعان جول بەرگەنمىن. تەك وكىنىشتىسى، قازاقستان ءانۇرانىنىڭ ورىندالماي قالعانى»، - دەدى زىلتەمىرشى اللا ۆاجەنينا.
ايتا كەتەلىك، 2008 -جىلعى وليمپيادا ويىندارىنىڭ ناتيجەلەرى قايتا قارالىپ، اۋىر اتلەتيكا مەن جەڭىل اتلەتيكاداعى قازاقستان كورسەتكىشتەرىندە وزگەرىستەر ورىن الدى. قازاقستاندىق زىلتەمىرشى اللا ۆاجەنينا 75 كەلى سالماقتا 2008 -جىلعى وليمپيادا ويىندارىنىڭ التىن جۇلدەگەرى اتاندى.
ال ولگا رىپاكوۆا ءوز تۋعان كۇنىندە ءۇش قارعىپ سەكىرۋدەن بەيجىڭ وليمپياداسىنىڭ كۇمىس جۇلدەسىن رەسمي تۇردە يەلەنگەن بولاتىن.
اۆتور: داۋلەت ىزتىلەۋ
