گاۋحاردان ۇلگى الىڭدار، قىزدار! «قازاقستان ارۋى-2006» - كوپ بالالى انا

استانا. قازاقپارات-  گاۋحار راحمەتاليەۆا 2006 -جىلعى «قازاقستان ارۋى». ول 2007 - جىلى مەكسيكادا وتكەن «الەم ارۋى» بايقاۋىندا باق سىناپ ەلىمىزدىڭ اتىن تانىتىپ قايتقان.

سول جولى گاۋحار ساحناعا كوتەرىلگەندە كيىپ شىققان قازاقتىڭ ۇلتتىق كيىمى «الەم ارۋى» بايقاۋىنداعى ەڭ ۇزدىك 15 كاستومنىڭ ساناتىنا ەنگەن ەدى.

ءبىراق، ءومىر ءبىر ورىندا تۇرمايدى عوي. كوپتەگەن قازاقستان ارۋلارىنىڭ قازىر قايدا جۇرگەنى بەلگىسىز. اركىم ءارتۇرلى جولدى تاڭداعان بولار. ايتالىق، كۇنى كەشە عانا «قازاقستان ارۋى» دەگەن اتاققا يە بولعان ءبىرقاتار سۇلۋلاردىڭ ەلدەگى اتىشۋلى ادامداردىڭ توقالى ەكەنىن ەستىپ تاڭ قالدىق. ولاردى سوكپەيمىز، ءوز ءومىرى.

ال گاۋحار راحمەتاليەۆا وسى بايقاۋدان كەيىن بىردەن تۇرمىسقا شىققان. ۋاقىت وزدىرىپ ءجۇرىپ الماپتى. قازاقتىڭ سانىن كوبەيتۋدى ماقسات تۇتىپتى.

جاسى 30 دان جاڭا اسقان گاۋحار راحمەتاليەۆا 4 بالانىڭ اناسى اتانىپ، كوپ بالالى انا ستاتۋسىنا يە بولىپ وتىر ەكەن. ءوزى وتە قاراپايىم دەيدى.

«قازاقستان ارۋى»، «الەم ارۋى» بايقاۋىنا قاتىسقانىن بۇلدامايدى ەكەن. ونىڭ ميسس بولعانىنان ءتىپتى جانىنداعى تانىستارى مەن بالالارىنىڭ ۇستازدارى دا حابارسىز ەكەن. وسىنىڭ ءوزى قاراپايىمدىلىق شىعار.

https://kaz.365info.kz