اسقار اقايەۆ 2005-جىلى ەلدەن قالاي قاشىپ كەتكەنى تۋرالى جازدى
وسىدان تۋرا 12 جىل بۇرىن 24- ناۋرىزداعى وقيعانىڭ قالاي باستالعانىن ول ءوز كوزىمەن كورگەنىن ايتىپ وتىر دەپ جازادى sn.kz.
«مىنا توپتاعى ادامداردىڭ ءبارى ميليتسيانى، ۇلتتىق گۆارديانى، مەنىڭ قىزمەتكەرلەرىمدى سوققىعا جىقتى، نامىسىن تاپتادى. وسى ۋاقىتتا مەنىمەن دە، وپپوزيتسيامەن دە بايلانىستا بولعان ءبىر ادامدار ماعان قاۋىپ ءتونىپ تۇرعانىن ايتتى. «ءسىز ەلدەن كەتۋىڭىز كەرەك. ەگەر مىنالاردىڭ قولىنا تۇسسەڭىز امان قالمايسىز» دەدى ولار»، - دەپ جازدى اقايەۆ ءوزىنىڭ Instagram-پاراقشاسىندا.
مۇنان كەيىن پرەزيدەنت ەلدى تاستاپ رەسەيگە قاشىپ كەتكەن. ول سونداي-اق، ءوزىنىڭ 1990-جىلى مەملەكەت باسىنا قالاي كەلگەنىن دە ەسىنە الدى. ايتۋىنشا، بيلىك ءۇشىن ەمەس، حالىقتىڭ جاعدايىن رەتتەۋ، مەملەكەتتە دەموكراتيا ورناتۋ ءۇشىن اقايەۆ پرەزيدەنتتىكتەن باس تارتپاپتى.
ەستەرىڭىزگە سالايىق، قىرعىزستاندى 15 جىل بيلەگەن اسقار اقايەۆ 2005-جىلعى توڭكەرىستەن كەيىن ەلدەن قاشىپ كەتكەن بولاتىن. قازىر ول ماسكەۋدە تۇرىپ جاتىر، سول قالادا جۇمىس ىستەيدى دەپ جازادى Zanoza.kg پورتالى.
