بوليۆيادا 2002 -جىلى ۇرلانعان 18- عاسىر تۋىندىسى يەسىنە قايتارىلدى

استانا. قازاقپارات - بوليۆيا شىركەۋلەرىنىڭ بىرىنەن 13 جىل بۇرىن جوعالىپ كەتكەن XVIII عاسىردا سالىنعان قىلقالام تۋىندىسىن نيۋ-يورك كوللەكسيونەرلەرى قايتارىپ بەردى، دەپ جازادى BBC اگەنتتىگى.

 كارتينانى قايتارۋشىلار ونى قانداي جاعدايدا قايدان الىنعانى تۋرالى بىلمەگەندىكتەرىن ايتتى. تابىلعان سۋرەت - 2002 -جىلى بوليۆيادا جوعالعان 12 ونەر تۋىندىسىنىڭ ءبىرى.

ۇلانعاننان سوڭ ءبىر جىلدان كەيىن امەريكالىق ريچارد جانە روبەرت حۋبەر ونى رەسمي تۇردە برازيليادان ساتىپ العان.

2013 -جىلى كارتينا فيلادەلفياداعى گالەرەياعا تابىستالادى. تەك وسى ۋاقىتتا عانا ونىڭ ينتەرپول تاراپىنان ىزدەۋ سالىنعان، ۇرلانعان زات ەكەندىگى انىقتالادى.