قازاقستاندا 2001 -جىلعا دەيىن 150 ادام ءولىم جازاسىنا كەسىلگەن

استانا. قازاقپارات - پرەزيدەنتتىڭ ءولىم جازاسىنا موراتوري جاريالاۋى زاڭ جۇزىندە سوتتارعا ۇكىم شىعارۋعا قايشى كەلمەيدى.

"كۇلەكبايەۆ ءىسى" بويىنشا باس پروكۋراتۋرا وسىنداي اقپارات ايتىپ وتىر. 2003 -جىلى جاريالانعان موراتوريدىڭ قاشانعا دەيىن جالعاساتىنى بەلگىسىز، دەيدى قاداعالاۋشى ورگان وكىلدەرى. بۇل تۋرالى "استانا" تەلەارناسى حابارلادى.

الايدا، قاجەت جاعدايدا الىپ تاستالۋى مۇمكىن. سوڭعى رەت ءولىم جازاسى وسىدان 10 جىل بۇرىن تاعايىندالعان. كەيىن بۇل ۇكىم "ءومىر بويىنا باس بوستاندىعىنان ايىرۋ" جازاسىمەن الماستىرىلىپتى. باس پروكۋراتۋرانىڭ قۇقىقتىق ستاتيستيكا ورتالىعىنىڭ اقپاراتىنشا، 1997 -جىل مەن 2001 -جىل ارالىعىندا ءولىم جازاسىنا 266 ادام كەسىلگەن. وسى ۋاقىت ارالىعىندا 150 ادام اتىلعان. 27 ادامنىڭ جازاسى "ءومىربويىنا اباقتىعا قاماۋعا" الماستىرىلعان. قالعان 89 ادامنىڭ جاعدايى بەلگىسىز. الايدا ماماندار ولاردىڭ وسى ۋاقىت ارالىعىندا قايتىس بولۋى مۇمكىن ەكەنىن ايتادى. سەبەبى ولار، ءولىم جازاسى ورىندالعانشا، ءوز وزدەرىنە قول سالادى ەكەن. وسى جىلدار ارالىعىندا جىل سايىن 18 ادام قول سالعان، - دەپ حابارلادى باس پروكۋراتۋرا.

ق ر ب پ قۇقىقتىق ستاتيستيكا ورتالىعى

ءولىم جازاسىنا كەسىلگەندەر سانى - 266.

1997 -جىل - 61 ادام

1998-جىل - 63 ادام

1999 -جىل - 63 ادام

2000 -جىل- 40 ادام

2001 -جىل - 39 ادام

ءولىم جازاسى اتقارىلعاندار - 150 ادام

 1997 -جىل - 45 ادام

 1998 -جىل - 46 ادام

 1999 -جىل - 33 ادام

 2000 -جىل - 11 ادام

 2001 -جىل - 15 ادام

جازاسى كەشىرىلگەندەر - 27 ادام

سونداي- اق، كونستيتۋتسيالىق كەڭەسكە ءولىم جازاسىنا ەنگىزىلگەن موراتوريدى الىپ تاستاۋ ءۇشىن جىل سوڭىنا دەيىن ءتيىستى ءوتىنىش ءتۇسۋى مۇمكىن ەكەندىگى حابارلاندى.

"ەگەر ونىڭ سۇراقتارى بولماسا جانە زاڭنامالىق تۇرعىدا نەگە سونداي شەشىم قابىلداعانىن تۇسىندىرسە، ارينە، پرەزيدەنتتە ونداي قۇقىق بار. ياعني ول زاڭدى باستاما جاساۋعا قابىلەتتى. قالاي دەگەنمەن، كونستيتۋتسيالىق كەڭەسكە ءوتىنىش كەلىپ ءتۇسۋى ىقتيمال. دەپۋتاتتار، ءتىپتى پرەزيدەنت تە شىعۋى مۇمكىن. ويتكەنى بۇل وتە جاۋاپتى، پرەتسەدەنتتى، الەۋمەتتىك جانە ساياسي سۇراق"، - دەدى ق ر كونستيتۋتسيالىق كەڭەسىنىڭ باسپا ءسوز حاتشىسى گۇلنار ءبايدىلدا.

ەسكە سالايىق، كەشە، 2 -قاراشادا الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 18 -شىلدەدە قارۋلى شابۋىل جاساعان الماتىلىق اتقىش رۋسلان كۇلەكبايەۆقا سوت ۇكىمى شىققان بولاتىن. سۋديا ەرلان بولات سوتتالۋشىعا ءولىم جازاسىن كەسىپ، مۇلكىن تاركىلەۋ ۇكىمىن شىعاردى.