سىيلىق بەرۋشىگە – 200، الۋشىعا 600 ا ە ك مولشەرىندە ايىپپۇل بار – س ق و ءبىلىم باسقارماسى
قۇجاتتا پەداگوگيكالىق ەتيكا مەن سىبايلاس جەمقورلىققا قارسى زاڭناما نورمالارىن قاتاڭ ساقتاۋعا شاقىرىپ، سىيلىق بەرۋشىگە – 200، ال ونى الۋشىعا 600 ا ە ك مولشەرىندە ايىپپۇل بارلىعىن ەسكە سالعان، دەپ حابارلايدى قازاقپارات ءتىلشىسى.
قۇجاتتىڭ كوشىرمەسى الەۋمەتتىك جەلىدە جاريالاندى. سونداي- اق كەشەدەن بەرى اتا- انالاردىڭ ۆاتساپ توپتارىندا كەڭىنەن تاراتىلىپ جاتىر.
حاتتا وقۋ جىلىنىڭ اياقتالۋىنا بايلانىستى بالاباقشالاردا، مەكتەپتەردە شاعىن ورتالىقتاردا ۇستازدارعا، تاربيەشىلەرگە سىيلىق الۋ ءۇشىن اتا- انالاردان اقشا جيناپ جاتقاندىعىن تۋرالى وتىنىشتەردىڭ جيىلەگەنى ايتىلعان. وسىعان وراي قامقورشىلىق كەڭەس مۇشەلەرىمەن، اتا- انالارمەن پەداگوگتارعا سىيلىق الۋعا اقشا جيناۋعا بولمايتىنىن اتىپ، ءتۇسىندىرۋ جۇمىستارىن جۇرگىزۋدى، پەداگوگيكالىق ەتيكا مەن سىبايلاس جەمقورلىققا قارسى زاڭناما نورمالارىن قاتاڭ ساقتاۋدى ەسكە سالادى.
سونداي- اق باسشىنىڭ قولى قويىلعان قۇجاتتا قىزمەتتىك مىندەتتەرىن ورىنداعانى ءۇشىن سىيلىق الۋعا كەز كەلگەن نىساندا تىيىم سالىناتىندىعى ايتىلعان. سىيلىقتىڭ قۇنى 2 ا ە ك - 6 900 تەڭگەدەن اسسا، بەرۋشى ءۇشىن 200 ا ە ك - 690 مىڭ تەڭگە، الۋشىعا 600 ا ە ك - 2 ميلليون تەڭگە شاماسىندا اكىمشىلىك ايىپپۇل قاراستىرىلعان.
حاتتىڭ سوڭىندا ونىمەن ءار پەداگوگ تانىسىپ، قول قويۋ قاجەتتىگى كورسەتىلگەن.
سونداي- اق ءبىلىم بەرۋ مەكەمەلەرىنىڭ باسشىلارىنا سىنىپتاردى جوندەۋگە، قۇرال- سايماندار مەن قۇرىلىس ماتەريالدارىن ساتىپ الۋعا اتا- انالاردان قاراجات جيناۋعا جول بەرمەۋ كەرەكتىگى دە ايتىلعان.
بۇل حات كوپشىلىكتى بەيجاي قالدىرمادى. ءبىرى قولداسا، ەندى ءبىرى مۇنى قاتارداعى ۇستازداردى قورقىتۋ دەپ باعالادى.
بۇعان دەيىن سقو اكىمدىگىنىڭ اپپارات وتىرىسىندا ءبىلىم باسقارماسىنىڭ باسشىسى ءنازىر جوشىبەكوۆ وقۋ جىلىن قورىتىندىلاپ ەسەپ بەردى.
جيىندا دا مەكتەپ اكىمشىلىگى مەن ۇستازدارعا سىيلىققا اقشا جيناۋ ماسەلەسىنە توقتالىپ، وعان جول بەرىلمەيتىنىن ايتتى. سونىمەن قاتار، سالتاناتتى ءىس- شارالارعا انيماتورلاردى، يۆەنت- اگەنتتىكتەردى تارتۋعا، تۇلەكتەردىڭ كەشتەرىن مەيرامحانالار مەن باسقا دا ويىن- ساۋىق ورىندارىندا اتاپ وتۋگە تىيىم سالىنعانىن ايتتى.
