نۇر-سۇلتاندا ۆاكسينا العاندار اراسىندا 20 iPhone ويناتىلادى
اكىمدىكتىڭ حابارلاۋىنشا، اپتاسىنا ەكى iPhone12 ويناتىلادى. بۇل ۇتىس ويىنىنا مەديتسينالىق مەكەمەلەردىڭ، س و و/س ۇ جانە ت. ب. ورىنداردا ۆاكسينا العاندار قاتىسادى.
وعان قاتىسۋ ءۇشىن ساۋالنامانى تولتىرۋدىڭ نەمەسە ءنومىر الۋدىڭ قاجەتى جوق.
«جەڭىمپاز Birge پلاتفورماسىنداعى كەزدەيسوق قىزمەت ارقىلى انىقتالادى. iPhone12 ۇتىس ويىنىنا ۆاكسينا العان كۇنىنە قاراماستان بارلىق ادام قاتىسادى. ۆاكسينا العاندار بويىنشا اقپارات ق ر دەنساۋلىق ساقتاۋ مينيسترلىگىنىڭ مالىمەتتەرىمەن بىرىكتىرىلەدى. سەرۆيستە ەكپە العان ادامنىڭ ID- ءنومىرى عانا كورىنەتىن بولادى. جەڭىمپازدى سەرۆيس كەزدەيسوق تۇردە انىقتايدى. ول Facebook پەن Instagram ارقىلى تىكەلەي ەفيردە وتكىزىلەدى»، - دەپ جازىلعان ەلوردا اكىمدىگىنىڭ رەسمي پاراقشاسىندا.
IPhone12 العاشقى ۇتىس ويىنى 8- شىلدە كۇنى وتەدى. وعان 6- شىلدەگە دەيىن ەكپە العانداردىڭ ءبارى قاتىسا الادى. نۇر-سۇلتان قالاسىندا 7- شىلدە كۇنى ۆاكسينا العاندار بازاسى دايىندالادى. ەلوردادا ۆاكسينا العاندار سانى وتكەن اپتالارمەن سالىستىرعاندا بەس ەسەدەن اسا ءوستى.
وسىلايشا، ۆاكسينا العاندار سانى تاۋلىگىنە 7 مىڭنان اسىپ جىعىلادى. بۇگىنگە دەيىن بارلىعى 218 مىڭعا جۋىق ادام ەكپەنىڭ العاشقى كومپونەنتىن العان. سونىمەن بىرگە، 25- ماۋسىم مەن 31- تامىز ارالىعىندا ۆاكسيناتسيالانعاندار اراسىندا ەكى بولمەلى پاتەردىڭ ۇتىس ويىنى وتكىزىلەدى.
بۇل اكسياعا مەديتسينالىق مەكەمەلەردە، س و و/س ۇ جانە ۆاكسيناتسيالاۋدىڭ وزگە دە پۋنكتتەرىندە يممۋنداۋدان وتكەندەر قاتىسادى. سول سياقتى بۇعان دەيىن «MEGA Silk Way» س و و ءوزىنىڭ ەگۋ پۋنكتىندە ۆاكسينانىڭ ءبىرىنشى كومپونەنتىن العاندار اراسىندا اۆتوكولىك ويناتىلاتىنىن جاريالاعان بولاتىن.
ال «ازيا پارك»، «سارىارقا»، «ءابۋ-دابي پلازا»، «كەرۋەن»، «ەۋرازيا» س و و- لارىندا جانە باسقا دا ساۋدا ۇيلەرىندە كومپيۋتەرلىك، تۇرمىستىق تەحنيكا، جەڭىلدىك كۋپوندارى تۇرىندەگى ءتۇرلى سىيلىقتار ويناتىلىپ جاتىر.
