نازاربايەۆ: قازاقستان مەن رەسەيدە قۇنى 20 ميلليارد دوللاردى قۇرايتىن 60 ورتاق جوبا بار
بۇل تۋرالى بۇگىن قازاقستان مەن رەسەيدىڭ XIII ءوڭىرارالىق ىنتىماقتاستىق فورۋمى بارىسىندا ەلباسى نۇرسۇلتان نازاربايەۆ ايتتى.
«ماعان بايان ەتىلگەندەي، قازىرگى ۋاقىتتا بىزدە سوماسى 20 ميلليارد دوللاردى قۇرايتىن 60 جوبا بار. ولاردى جۇزەگە اسىرۋعا ءبىزدىڭ تاراپىمىزدان تولىقتاي قولداۋ كورسەتىلەتىن بولادى»، - دەدى ق ر پرەزيدەنتى.
مەملەكەت باسشىسى قازاقستان مەن رەسەي اراسىندا ءوزارا ءتيىمدى ىنتىماقتاستىقتىڭ مول تاجىريبەسى جيناقتالعانىن دا ەسكە سالىپ ءوتتى.
«بۇعان قوسا، ءوزارا ءتيىمدى ىنتىماقتاستىقتى دامىتۋ ءۇشىن پايدالانىلماعان الەۋەت تە بار. بىرىنشىدەن، ءبىز سىزدەرمەن ءبىرىڭعاي ەكونوميكالىق كەڭىستىكتە جۇمىس ىستەۋدەمىز. كەدەن وداعىنان ەۋرازيالىق ەكونوميكالىق وداعى سىندى تولىققان وڭىرلىك بىرلەستىك قۇرىلدى. بۇگىندە باستاماشىسى قازاقستان، رەسەي جانە بەلارۋس بولعان وداق 5 ەلدى بىرىكتىرەدى»، - دەدى نازاربايەۆ.
ەلباسى بۇل وداقپەن ۆەتنام ەركىن ساۋدا تۋرالى كەلىسىمى جاساسسا، ق ح ر، وڭتۇستىك كورەيا، سينگاپۋر ەلدەردى دە وسىنداي ايماق قۇرۋعا نيەتتەنىپ وتىر.
«ەۋراز ە س- پەن ىنتىماقتاستىققا ءۇندىستان، مىسىر، يران، ا س ە ا ن ەلدەرى سىندى مەملەكەتتەر نيەتتى. بۇل ە ا ە و- نىڭ قاجەتتىلىگىن بىلدىرەدى»، - دەدى ق ر پرەزيدەنتى.
اۆتور: مارلان جيەمباي
