19:30, 22 - مامىر 2014 | GMT +5
قازاقستاننىڭ تەڭىز پورتتارىنىڭ وتكىزۋ قابىلەتى 20,5 ميلليون تونناعا دەيىن ارتادى
استانا. قازاقپارات - قازاقستاننىڭ تەڭىز پورتىنىڭ وتكىزۋ قابىلەتى ەداۋىر ارتادى. بۇل تۋرالى بۇگىن «ترانس ەۋرازيا-2014» 9- حالىقارالىق كونفەرەنتسياسى بارىسىندا ءمالىم بولدى.
ق ر كولىك جانە كوممۋنيكاتسيا ءمينيسترى جەڭىس قاسىمبەك حالىقارالىق اقتاۋ تەڭىز پورتىنىڭ دامۋ بارىسى جايىندا ايتا كەلە، بۇل پورتتىڭ ۇلەسىنە كاسپييدەگى جالپى جۇك اينالىمىنىڭ 24 پايىزى تيەسىلى ەكەنىن جەتكىزدى.
قازىرگى ۋاقىتتا سينگاپۋردىڭ IPD كومپانياسىمەن بىرلەسە وتىرىپ پورتتىڭ سولتۇستىك باعىتتا دامىتىلۋ جوباسى كەزەڭ- كەزەڭىمەن ىسكە اسىرىلۋدا. جاڭارتۋ جۇمىستارى اياقتالعاندا قازاقستاننىڭ تەڭىز پورتتارىنىڭ وتكىزۋ قابىلەتى 16,8 ميلليون توننادان 20,5 ميلليون تونناعا دەيىن ارتاتىن بولادى.
اۆتور: رۋسلان عابباسوۆ
