قازاقستاندا جاسالعان اۆتو كولىكتەر 20- ساۋىردەن باستاپ، 4 پايىزبەن بەرىلەدى
«قازىرگى ۋاقىتتا انىقتالىپ جاتىر. ءبىراق، ءبىزدىڭ جوسپارىمىز بويىنشا، 20- ساۋىردە سوڭعى قۇجاتتارعا قول قويامىز جانە اپتا ىشىندە وسى باعدارلاما بويىنشا جۇمىس جۇرگىزە باستايمىز. ازىرشە ەشقانداي كەدەرگى مەن ىركىلۋ جوق»، - دەپ مالىمدەدى لاۆرەنيەۆ. ول ارزان اۆتو نەسيەنى الۋ ءۇشىن زاڭدى تۇلعا مەن جەكە تۇلعا ادەتتەگى نەسيەنى العان كەزدە بەرەتىن قۇجاتتار ءتىزىمىن ۇسىناتىنىن ايتتى. «ەشقانداي جاڭالىق بولمايدى. ليزينگ ءۇشىن 30 پايىز الدىن الا تولەم جاسالادى، قالعانىنىڭ ءبارى بىزدە بار زاڭ مەن نورماتيۆتىك اكتىلەرگە سايكەس بولادى. جەكە تۇلعالار قايسىبىر بانكتە قارجىلاندىرۋ الىپ جۇرسە، بۇدان كەيىن دە سولاي بولىپ قالادى. قۇجاتتار ءتىزىمى تۋرا سونداي»، - دەدى ول.
دەسە دە، ونىڭ ايتۋىنشا، ارزان اۆتو نەسيە تەك قازاقستاندا جاسالعان اۆتوموبلدەرگە قاتىستى جانە ولاردىڭ باعاسى 5600000 تەڭگەدەن (30 مىڭ دوللار) اسپاۋى ءتيىس. «بۇل قازاقستاندىقتاردىڭ ورتا كلاسىن قولداۋعا باعىتتالعان تاماشا باعدارلاما»، - دەدى لاۆرەنتيەۆ.
قازاقستاننىڭ تاۋەلسىز اۆتوبيزنەسى وداعىنىڭ باسقارما ءتوراعاسى پاۆەل كيم قابا باسشىسىنىڭ ايتقانىنا قوسىلادى، ءبىراق جەڭىلدىكتەر ءبىرىنشى كەزەكتە وتاندىق اۆتو وندىرۋشىلەرگە ارنالعان دەپ ەسەپتەيدى. «ەگەر ەكىنشى دەڭگەيلى بانكتەردەن وتكىزىلەدى دەپ جوسپارلانعان سىياقى مولشەرىنە كەلەر بولساق، ولاردى ديەۆالۆاتسيا جانە قايتا قارجىلاندىرۋ مولشەرى دەگەن ماسەلەلەرمەن ولشەۋگە كەلمەيدى. ادەتكى جاعدايلاردا قارجى بەلگىلى ءبىر پايىزبەن شەتەلدەن تارتىلادى، سونىمەن قاتار ازاماتتاردىڭ دەپوزيتى ەسەبىنەن الىنادى. ءبىراق ەگەر اۆتو نەسيەلەر سۋبسيديالانسا بانكتەر مەملەكەتتەن اقشا الادى. بانك بۇل ءۇشىن مەملەكەتكە ۇلەس اقى تولەمەيدى. سوندىقتان مولشەرلەمەنىڭ كوتەرىلۋى تۋرالى ماسەلە وزدىگىنەن جويىلادى. وسى سەبەپتەن، ەگەر باعدارلاما جوسپار بويىنشا جۇمىس ىستەيتىن بولسا، بۇل قازاقستاندىقتاردى Made in Kazakhstan ماركاسىنداعى اۆتوموبيلدەردى ساتىپ الۋعا ۇندەيتىن وتە پايدالى جوبا بولار ەدى»، - دەدى كيم. سونىمەن قاتار، ول ارزان اۆتونەسيە باعدارلاماسىنا شەكتەۋ قويىلماعانىن جانە ازاماتتاردىڭ وسى ارقىلى قالاۋىنشا كوپ كولىك ساتىپ الا الاتىنىن ەسكەرتىپ ءوتتى.
وسىعان دەيىن 2015-جىلدىڭ ءساۋىر ايىندا قازاقستاندا رەسپۋبليكا اۋماعىندا شىعارىلعان اۆتومبيلدەردى ساتىپ الۋعا جەڭىلدىكتەردىڭ ەنگىزىلەتىنى حابارلانعان بولاتىن. وتاندىق اۆتوموبيلدەردى قازاقستاندىقتار تومەندەتىلگەن پايىز مولشەرلەمەسىمەن ساتىپ الا الادى. ناقتىلى مولشەرلەمە - 4 پايىز، ال ەڭ جوعارى مولشەرلەمە 6 پايىزدان اسپاۋى ءتيىس. ليزينگ بويىنشا اۆتوموبيل ساتىپ الۋعا دا مولشەرلەمەلەر وسىنداي. ونىڭ ۇستىنە، بۇل پايىزعا ساقتاندىرۋ تولەمدەرى دە قوسىلىپ وتىر. اقپارات قۇرالدارى 1- ساۋىردە جەڭىلدىكپەن بەرىلەتىن اۆتو نەسيەلەردىڭ قازاقستاندىقتار ءۇشىن ازىرشە قولجەتىمدى بولماي وتىرعانىن جازعان ەدى.
