قازاقستاندا ەڭ تومەنگى كۇنكورىس دەڭگەيى 20 پايىزعا ارتىپ، 42,6 مىڭ تەڭگەگە جەتتى
Finprom.kz رەسۋرسى جازعان ماتەريالعا سەنسەك، مامىر ايىندا ەلدەگى ەڭ تومەنگى كۇنكورىس دەڭگەيى %20 ارتىپ، 42,6 مىڭ تەڭگەگە جەتكەن.
بۇل ءبىر جىل بۇرىنعى كورسەتكىشتەن %19,6 ارتىق. پورتالدىڭ دەرەگى بويىنشا، كەيىنگى بەس جىلدا ەڭ تومەنگى كۇنكورىس دەڭگەيى %83,5، كەيىنگى ون جىلدا 2,6 ارتقان.
«2021-جىلدىڭ مامىرىندا بۇل كورسەتكىش 35,6 مىڭ تەڭگە بولاتىن. وڭىرلەر اراسىندا ماڭعىستاۋدىڭ كورسەتكىشى جوعارى - 50,2 مىڭ تەڭگە. بۇل وڭىردە ەڭ تومەنگى كۇنكورىس دەڭگەيى ءبىر جىلدا %24,5 وسكەن.
ودان كەيىنگى قاتاردا نۇر-سۇلتان قالاسى (46,9 مىڭ تەڭگە) مەن الماتى (45,4 مىڭ تەڭگە) تۇر.
العاشقى بەستىككە ش ق و (43,1 مىڭ تەڭگە) مەن پاۆلودار (42,6 مىڭ تەڭگە) وبلاستارى كىردى»، - دەپ جازادى Finprom.kz.
ال ەڭ تومەنگى كورسەتكىشتەر قىزىلوردا، اقتوبە، باتىس قازاقستان وبلىستارىندا تىركەلىپ وتىر.
ەسكە سالساق، بيىل اقپان ايىندا ەلدەگى ەڭ تومەنگى كۇنكورىس دەڭگەيى ءبىر جىلدا %13- عا، 38 مىڭ تەڭگەگە دەيىن وسكەنى حابارلانعان بولاتىن.
