بۇگىن ساعات 20.30-دا الەمدىك اكسيا اياسىندا استانانىڭ نەگىزگى نىساندارىنىڭ جارىعى وشەدى

دۇنيە ءجۇزى ەلدەرىندەگى ادامدار كليماتتىڭ وزگەرۋىمەن كۇرەس يدەياسىنا قولداۋ كورسەتۋ ءۇشىن ءبىر ساعاتقا جارىقتى سوندىرەدى.

ەلوردامىز استانادا «حان شاتىر» سوو ساعات 19.30-21.30 ارالىعىندا «جەر ساعاتىنا» ارنالعان فلەشموب وتەدى. بيىل «جەر ساعاتى-2015» اكسياسى «ۇلتتىق اعاش وتىرعىزۋ كۇنى» اياسىندا ۇيىمداستىرىلادى.

ماقساتى -  ورمانداردى قالپىنا كەلتىرۋ، قالالاردى كوگالداندىرۋ، قازاقستاننىڭ ورمان بايلىعىن ساقتاپ، كوبەيتۋدەگى قوعام مۇددەسىن دامىتۋ، ورماندى قالپىنا كەلتىرۋ جوبالارىنا رەسۋرستار تارتۋ. بىلتىر اكسيا الەمنىڭ 160 تان استام مەملەكەتىندە 2 ميللياردقا جۋىق ادامدى قامتىعان بولاتىن.

ال استانادا سونداي-اق 28 - ناۋرىز كۇنى ساعات 20.30-دا «ۇلتتىق اكادەميالىق كىتاپحانا»، «ترانسپورت تاۋەر» اكىمشىلىك- تەحنولوگيالىق كەشەنى، «استانا وپەرا» تەاترى جانە ەسىلدىڭ سول جاعالاۋىنداعى بارلىق ارحيتەكتۋرالىق انسامبلدەردە جارىق وشىرىلەدى.

«جەر ساعاتى» -  دۇنيەجۇزىلىك جابايى تابيعات قورىنىڭ جاھاندىق اكسياسى (WWF).

«حابار»