نازاربايەۆ: ستۋدەنتتەر ءۇشىن قوسىمشا 20 مىڭ گرانت ءبولىنىپ، 25 مىڭ ورىندىق جاتاقحانا سالىنادى

None
None
استانا. قازاقپارات - 2018-2019 وقۋ جىلىندا ستۋدەنتتەرگە قوسىمشا 20 مىڭ گرانت بولىنەتىن بولدى. مەملەكەت باسشىسى نۇرسۇلتان نازاربايەۆ بۇل جۇمىستى ق ر پارلامەنتى پالاتالارىنىڭ بىرلەسكەن وتىرىسىندا بەلگىلەنگەن بەس الەۋمەتتىك باستامانىڭ ءبىرى ەكەنىن اتادى، دەپ حابارلايدى «قازاقپارات» ح ا ا ءتىلشىسى.

«بۇگىنگى تاڭدا ەلىمىزدەگى ج و و- لاردا 530 مىڭعا جۋىق جاس ورەن ءبىلىم الىپ جاتىر. ولاردىڭ ىشىندەگى 30 پايىزى مەملەكەت بولگەن گرانت بويىنشا وقۋدا. جوعارى ءبىلىم بەرۋدى قولجەتىمدى ءارى ساپالى ەتۋ ءۇشىن كەلەسى شارالاردى ۇسىنامىز. 2018-2019 وقۋ جىلىندا جىل سايىن بولىنەتىن 54 مىڭ گرانتقا قوسىمشا تاعى 20 مىڭ گرانت بولگەلى وتىرمىز. ول گرانتتاردىڭ ىشىندەگى 11 مىڭىن، مۇمكىندىك بولسا ودان دا كوبىن سۇرانىس بار تەحنيكالىق ماماندىقتار بويىنشا باكالاۆرعا ءبولۋ جوسپارلانۋدا. بۇل قادام ءتورتىنشى ونەركاسىپتىك ريەۆوليۋتسيا جاعدايىندا جاڭا ەكونوميكادا سۇرانىسقا يە بولاتىن مىڭداعان مامانداردى دايارلاۋعا مۇمكىندىك بەرەدى. بۇل جەردە ينجەنەرلەر، اقپاراتتىق تەحنولوگيالار سالاسى مەن روبوتوتەحنيكا، نانوتەحنولوگيا سالاسىنداعى ماماندار تۋرالى ايتىپ وتىرمىن. بۇل دا مەملەكەتتىك جاستارعا قولداۋى بولىپ تابىلادى»، - دەدى مەملەكەت باسشىسى.

نۇرسۇلتان نازاربايەۆتىڭ ايتۋىنشا، بارلىق ج و و- لاردا تەحنيكالىق، اۋىل شارۋاشىلىعى ماماندىقتارى بويىنشا ۇلتتىق ج و و- لار دەڭگەيىندە جاڭا گرانتتاردىڭ قۇنىن وسىرگەن ءجون.

«بۇل شارالار ورتا مەكتەپتەردىڭ وقۋشىلارىنا جوعارى ءبىلىم بەرۋگە جول اشادى. بۇل ادامي كاپيتالعا، دەمەك بىلىمگە سالىنعان سالىم. ەكىنشى جاعىنان، الەمدىك ستاندارتتار بويىنشا ءبىلىم جۇيەسىن جاساي وتىرىپ، ستۋدەنتتەردىڭ ءومىر ءسۇرۋى جاعىنان باسا ماڭىز بەرۋىمىز كەرەك. قالالىق ەمەس جاستاردىڭ ءبىر پاراسى قالا شەتىنەن باسپانا جالداپ، ءومىر سۇرۋگە ءماجبۇر ەكەنىن بىلەسىزدەر. ونداي جاعدايدا ءبىلىم جايلى قالاي ايتۋعا بولادى. بۇگىنگى تاڭدا ج و و- لار مەن كوللەدجدەردىڭ ستۋدەنتتەرىن جاتاقحانامەن قامتۋ ماسەلەسى وتكىر بولىپ وتىر. وسى ماسەلەنى شەشۋ ءۇشىن مەملەكەتتىك- جەكەشەلىك سەرىكتەستىك اياسىندا جاتاقحانا تۇرعىزۋ قولعا الىنادى. مەملەكەت ءوز تاراپىنان بعم ارقىلى جەكە ينۆەستيتسيالاردى جاتاقحانا قۇرىلىسىنا جۇمساۋعا كەپىلدىك بەرەدى. 2022-جىلعا دەيىن 25 مىڭ ورىندىق جاتاقحانا سالۋدى تاپسىرامىن. بۇل جۋىق اراداعى سۇرانىستى قاناعاتتاندىرىپ، وسى ماسەلەنى شەشۋگە مۇمكىندىك بەرەدى»، - دەدى نۇرسۇلتان نازاربايەۆ.

ەسكە سالا كەتسەك، قازىرگى ۋاقىتتا ق ر پارلامەنتى پالاتالارىنىڭ بىرلەسكەن وتىرىسى وتكىزىلىپ جاتىر.

 

اۆتور: ايان بەكەن ۇلى

سوڭعى جاڭالىقتار