جۋلەن سميت: 20 جاستا بىلۋىگە ءتيىس 20 نارسە

ونىڭ پايىمىنشا، 20 جاستا تابىستى ادام بولۋ جولىنا ءساتتى قادام جاساي ءبىلۋ ءۇشىن اركىم مىناداي 20 دۇنيەنى ءبىلۋى ءتيىس.
1. الەم سەنى اقىماق ەتكىسى كەلەدى. ماسەلەن، بانكتىك جۇيەنى بىلمەيتىن ادام كرەديتتى وتە كوپ مولشەردەگى ۇستەمەسىمەن الىپ، سوڭىنان سان سوعادى. ءبىلىمسىز ادامنان اقشا تابۋ جانە ونى باسقارۋ وڭاي. باقىتتى، باي جانە تاۋەلسىز بولعىڭ كەلسە، مۇمكىندىگىنشە ءبىلىمدى بولۋعا تىرىس.
2. ءبىلىم بەرۋ ينستيتۋتتارىنا ءبىرجاقتى سەنە بەرمە. ولار وقۋ جوسپارىن دايىنداپ، ونىڭ قاتە جاسالعانى انىقتالعانشا، كوپ ۋاقىت وتەدى دە، جۇمىس جاساپ تۇرعان جۇيە سول ۋاقىت ىشىندە كۇيرەپ ۇلگەرەدى. سوندىقتان، بىرەۋدىڭ سوڭىنان ءجۇرىپ وقىعانشا، كوش باستاۋ ارقىلى ءبىلىم الۋ ءجون.
3. مۇمكىندىگىنشە كوپ وقى. ەسكە ساقتاۋ قابىلەتىڭدى جاقسارتىپ الىپ، تەز وقۋعا تىرىس. مەن بىلەمىن، سەن ءبىر اپتادا كەم دەگەندە ءبىر كىتاپتى وقىپ بىتىرە الاسىڭ.
4. اركەزدە دە بارلىق اداممەن بايلانىستا بول. بايلانىس جاساۋدىڭ شەبەرى بول. ادامداردان جاقسى قاسيەت تابۋدى ادەتكە اينالدىر. ونى سول جاقسى قاسيەتىمەن تانى.
5. قاراپايىم بولامىن دەپ ۋاقىتتى سارقىما. قاراپايىمدىلىق - ءسىز شەشىم قابىلداپ جاتقان ساتىڭىزگە ءسىزدىڭ سەزىمدەرىڭىز تورەلىك ەتەدى دەگەنگە سەنۋ. قاراپايىم ءارى ناقتى ارەكەت ەت.
6. ەگەر الدەكىممەن بايلانىستا سەنى الدەنە جامان قىرىمەن «تاڭعالدىرىپ»، مازالايتىن بولسا، ارانى ءۇز. بۇل - ۋاقىتىڭدى بوس وتكىزۋ.
7. ۇلكەندەرمەن كوبىرەك ارالاس. شەشىم قابىلداۋدى ۇلكەننەن ۇيرەنۋ دۇرىس. قاتارلاسىڭنان ۇيرەنۋدىڭ ەش ناتيجەسىز ەكەنىن ءبىل. ۇلكەندەر سەندەردىڭ كەيىننەن بىلەتىندەرىڭدى بىلەدى، سوندىقتان «كەيىندى» كۇتپەي، سول ساتتە ۇلكەننەن سۇراعانىڭ ابزال.
8. وزىڭنەن مىقتى ادامدى ىزدە. ونىمەن كوپ ۋاقىتىڭدى بىرگە وتكىز. ول مىقتىمەن دەڭگەيلەس بولۋعا، ءتىپتى وزۋعا دا تالپىن.
9. ماسەلەنى كەشىكتىرمەي ءبىتىر. ەگەر ماسەلە شەشىمىن تاپپاي، ۇزاققا سوزىلسا قورقىنىش ۇدەي بەرەدى. ماعان سەن...
10. شىعىندى بارىنشا ازايت. بۇل سەنىڭ باستى ارمانىڭ مەن ماقساتىڭا قول جەتكىزۋگە مۇمكىندىك بەرەدى.
11. ءبىر ساتتىك قۋانىشتى ەمەس، ماڭگى ەستە قالاتىن قىزىقتى تاڭدا. ماسەلەن، جاڭا جيھاز الۋ نەمەسە پاريجگە بارىپ كەلۋ تاڭداۋى قاتار كەلسە، سوڭعىسىن تاڭداعانىڭ ءجون. زەرتتەۋلەر بۇنداي تاڭداۋدىڭ ادامنىڭ ءوزىن-ءوزى باعالاۋىن ارتتىراتىنىن كورسەتكەن.
12. جاعدايىڭ ناشار بولسا، ەڭ ءبىرىنشى ماتەريالدىق ماسەلەڭدى شەشۋ كەرەك. سەندە 5 جىلعا ارنالعان جەكە جوسپار بولۋ كەرەك. بۇعان بىرتىندەپ كەلۋگە تىرىس.
13. جوبالاۋدى ۇيرەن. بۇل ەلەستەتۋ قابىلەتىڭ مەن لوگيكاڭدى دامىتادى.
14. جاستايىڭنان سالماق ارتتىرما. مۇمكىندىكتى جىبەرىپ الماۋ كەرەك.
15. تاماق جاساۋدى ۇيرەن. بۇل ءومىرىڭدى وڭاي ەتەدى. تاماق جاساۋدى جۇمىس دەپ ەمەس، كوڭىلگە جاعىمدى ءىس دەپ ۇعۋ كەرەك. ارينە، بۇل ارقىلى اقشاڭدى وڭعا-سولعا شاشۋدى ازايتاسىڭ.
16. ۇيقىنى قاندىرىپ ءجۇرىڭىز. ۇيقى مەن تۇراقتى تاماقتانۋ سەمىزدىكتەن قۇتقارادى. «مەن قازىر مىنانى جاساۋىم كەرەك» نەمەسە «و دۇنيەدە دە ۇيىقتاپ ۇلگەرەمىن» دەسەڭ، ايتايىن - «ۇيقىڭ تىنىش بولماسا سەن ەشتەمەگە دە جارامايسىڭ!».
17. بلوكنوتىڭ بولسىن. ميىڭا سەنبە. «مىنانى ىستەۋىم كەرەك پە ەدى...» دەگەن ويمەن ەمەس، قاعازدا جازىلعان ناقتى تاپسىرمانى جاسا.
18. الدىڭا ۇلكەن ماقسات قويا ءبىل دە، ونى ورىنداۋعا مۇمكىندىك ىزدە. بولار نارسە بولار، ءبىراق بولار نارسەنىڭ بولاتىنىن الدىن الا بىلسەڭ، وزىڭە جاقسى...
19. ايتەۋىر ءبىر سالانىڭ شەبەرى بول. اينالسوقتاپ جۇرە بەرمەي، ءبىر ىسكە 5 جىلىڭدى ارنا. ودان كەيىن ماماندىقتى اۋىستىرعىڭ كەلسە - ەرىك وزىڭدە. ءبىراق اۋىسقان سالاڭا سەنىمدى بول.
20. ادامدى تۇزەيمىن دەپ اۋرە بولما. ودانشا «ءتۇزۋ» ادامداردى ىزدەپ تاپ.