قازاقستاندا سوڭعى 20 جىلدا ازاماتتىق قىزمەتكەرلەردىڭ جالاقىسى 17,6 ەسەگە ۇلعايدى

استانا. قازاقپارات - قازاقستاندا سوڭعى 20 جىلدا (1996 مەن 2015-جىلدار ارالىعىندا) ازاماتتىق قىزمەتكەرلەردىڭ ورتاشا ايلىق جالاقىسى 17,6 ەسەگە (4 مىڭ 813 تەڭگەدەن 84 مىڭ 722 تەڭگەگە دەيىن) ۇلعايدى، دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى.

ق ر پرەزيدەنتى نۇرسۇلتان نازاربايەۆتىڭ حالىققا جولداۋلارىنا سايكەس بيۋدجەتتىك سالا قىزمەتكەرلەرىنىڭ جالاقىسى تاۋەلسىزدىك جىلدارىندا بىرنەشە رەت: 2006-جىلى - %32 عا؛ 2007 - %30 عا؛ 2009 جانە 2010-جىلدارى - %25 عا، 2011- جىلدارى %30 عا ۇلعايتىلدى.

2014-جىلعى 1- ساۋىردەن باستاپ بارلىق مەملەكەتتىك ۇيىمدار مەن قازىنالىق كاسىپورىن قىزمەتكەرلەرىنە ەرەكشە ەڭبەك جاعدايى ءۇشىن لاۋازىمدىق اقىنىڭ %10 ى كولەمىندە ۇستەماقى تولەۋ ەنگىزىلدى.

سونىمەن قاتار، ق ر پرەزيدەنتىنىڭ 2014-جىلعى 17- قاڭتارداعى «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى قازاقستان حالقىنا جولداۋىنداعى تاپسىرماسىن ورىنداۋ ماقساتىندا 2016-جىلعى 1- قاڭتاردان باستاپ ازاماتتىق قىزمەتكەرلەردىڭ جالاقىسى ولاردىڭ بىلىكتىلىگىنە قاراي ۇلعايتىلدى: دەنساۋلىق ساقتاۋ سالاسىندا - %7 دان %28 عا، ءبىلىم بەرۋ سالاسىندا - %15 دان %29 عا، وزگە سالالاردا -%28 دان %40 عا دەيىن.