سوڭعى ەكى جىلدا استانادا تۇرعىن ءۇي قۇرىلىسىنا قاتىستى 20 قىلمىستىق ءىس تىركەلىپ، 16 ادام سوتتالدى

استانا. قازاقپارات - باس پروكۋرور بەرىك اسىلوۆتىڭ توراعالىعىمەن ۇلەستىك قۇرىلىستىڭ پروبلەمالىق ماسەلەلەرى بويىنشا ۆەدومستۆوارالىق كەڭەس ءوتتى، دەپ حابارلايدى قازاقپارات.

كەڭەستە بەرىك اسىلوۆ ءاربىر وتباسى ءوز باسپاناسىن ارماندايتىنىن، سول ءۇشىن جىلدار بويى پاتەرگە قاراجات جينايتىنىن نەمەسە نەسيە راسىمدەيتىنىن اتاپ ءوتتى. بۇل رەتتە جوسىقسىز قۇرىلىس سالۋشىلار ازاماتتاردى تومەن باعامەن جەلىكتىرىپ، ولاردى الداۋدا. ناتيجەسىندە ۇلەسكەرلەر اقشاسىز جانە باسپاناسىز قالىپ جاتىر.

بۇل تۋرالى جىل باسىندا مەملەكەت باسشىسىمەن ەلوردانى دامىتۋ جونىندەگى كەڭەستە دە ايتىلعان بولاتىن. پرەزيدەنت ساۋلەت جانە قۇرىلىس سالاسىنداعى باقىلاۋدى كۇشەيتۋدىڭ، قۇرىلىس كومپانيالارىنىڭ جاۋاپكەرشىلىگىن قاتاڭداتۋدىڭ جاڭا تاسىلدەرىن كوزدەۋدى تاپسىرعان.

قاداعالاۋ ورگانىندا سوڭعى ەكى جىلدا 20 قىلمىستىق ءىس تىركەلىپ، 16 ادام سوتتالعانى اتالدى. ولار 30 ميلليارد تەڭگەدەن استام شىعىن كەلتىرگەن. 300 دەن استام كومپانيا زاڭسىز الىمدار ءۇشىن 250 ميلليون تەڭگە ايىپپۇلعا اكىمشىلىك جاۋاپتىلىققا تارتىلدى.

سونىمەن قاتار قازىر ەلىمىزدە 44 ءۇيدى سالىنىپ ءبىتىپ قالدى. ولاردىڭ كوپشىلىگى ەلوردادا (16 تۇرعىن ءۇي) جانە مەملەكەت ەسەبىنەن قارجىلاندىرىلۋدا.

باس پروكۋرور قۇرىلىس سالۋشىلاردىڭ الدىن الا ينۆەستيتسيالار جانە ت. ب. شارتتار ارقىلى زاڭدى اينالىپ ءوتىپ، ازاماتتاردىڭ قاراجاتىن تارتۋ بويىنشا زاڭسىز ارەكەتتەرىنە نازار اۋداردى. زاڭ اياسىندا

ءبىرىنشىسى - قازاقستان تۇرعىن ءۇي كومپانياسىمەن كەلىسىم-شارت بولعان كەزدە.

ەكىنشىسى - اكىمدىكتىڭ رۇقساتى بولعان جاعدايدا.

ەگەر جوباعا بانك قاتىسسا نەمەسە ءۇيدىڭ قاڭقاسى بولسا، اكىمدىكتىڭ رۇقساتى بەرىلەدى.

سونداي-اق، جاڭا زاڭدا شارتتىڭ اتاۋىمەن مانيپۋلياتسيالار جاساۋ جاعدايى الىنىپ تاستالدى. سوندىقتان ازاماتتاردىڭ قاراجاتىن تارتۋ ءۇشىن قۇرىلىس سالۋشىلار تۇرعىن ءۇي قۇرىلىسىنا ۇلەستىك قاتىسۋ تۋرالى شارت جاساسۋى قاجەت.

باس پروكۋرور قۇرىلىس ىستەرى كوميتەتىنە پروبلەمالىق تۇرعىن ۇيلەردىڭ ءبىرىڭعاي رەەسترىن ولاردى ىسكە قوسىلۋىنا دەيىن باقىلاۋ ءۇشىن ازىرلەۋدى تاپسىردى.

ەلوردالىق اكىمدىكتىڭ الدىنا پروبلەمالى ۇيلەردىڭ قۇرىلىسىن اعىمداعى جىلدىڭ سوڭىنا دەيىن اياقتاۋ مىندەتى قويىلدى.

ءوز كەزەگىندە يندۋستريا مينيسترلىگىنە قۇرىلىس سالۋشىلارعا قاتىستى مەملەكەتتىك باقىلاۋدى كۇشەيتۋ قاجەت.

كەڭەس سوڭىندا قاداعالاۋ ۆەدومستۆوسىنىڭ باسشىسى قىزمەتكەرلەر مەن باقىلاۋشى ورگاندارعا قۇرىلىس كومپانيالارىنىڭ ءىس- ارەكەتتەرىن مۇقيات قاداعالاۋدى تاپسىردى. ەگەر بۇزۋشىلىقتار انىقتالسا، ازاماتتار زارداپ شەكپەۋى ءۇشىن تەز ارەكەت ەتۋدى تالاپ ەتتى.