20 جاستاعى كيبەرالاياق استانالىقتار 10 ميلليون تەڭگە العان
ەلوردادا وسى جىلدىڭ 9-15-تامىزى ارالىعىندا «Anti Fraud» جەدەل- الدىن الۋ شارالارى وتۋدە. ونىڭ ماقساتى - كيبەرقىلمىستاردى بولدىرماۋ، ولاردىڭ الدىن الۋ جانە انىقتاۋ. كريمينالدىق پوليسيا قىزمەتكەرلەرى ەلوردادا ەكى كۇن ىشىندە اقپاراتتىق تەحنولوگيالار سالاسىنداعى 18 قىلمىستى انىقتاپ، بۇرىن جاسالعان تاعى 20 قىلمىستى اشىپ، سەگىز كۇدىكتى ۇستالدى. وسىلايشا، 20 جاستاعى تۇركىستان وبلىسىنىڭ تۇرعىنى «instagram» الەۋمەتتىك جەلىسى ارقىلى اقشانى اينالىمعا سالامىن دەپ ۋادە بەرىپ، استانا تۇرعىندارىنىڭ 10 ميلليون تەڭگەسىن قولدى قىلعان. ودان بولەك، ۇقساس قىلمىس جاساعانى ءۇشىن 38 جاستاعى ەلوردالىق ايەل ۇستالدى. ول قالا تۇرعىندارىنا 12 ميلليون تەڭگە كولەمىندە ماتەريالدىق شىعىن كەلتىرگەن.
نۇر- سۇلتان قالاسىنىڭ پوليتسيا دەپارتامەنتى ينتەرنەتتەگى الاياقتىقتىڭ كەڭ تاراعان تۇرلەرى الەۋمەتتىك جەلىلەردەگى ونلاين كەلىسىمدەر، «olx.kz جەتكىزۋ قىزمەتىن» قولداناتىن قىزمەتتەر جانە بانك كارتاسىنان اقشا ۇرلاۋ ەكەنىن ەسكە سالادى. سونىمەن قاتار الاياقتاردىڭ تۇزاعىنا ءتۇسىپ قالماۋ ءۇشىن كەز كەلگەن اقپاراتتى بانكتىڭ رەسمي كولل- ورتالىقتارىنا حابارلاسىپ ناقتىلاۋ كەرەك ەكەنىن ەسكەرتەدى. ەش جاعدايدا بانك كارتالارىنىڭ دەرەكتەرىن بوتەن ادامعا حابارلاماڭىز. ولاردىڭ ىشىندە بانك قىزمەتكەرلەرى دە بار. ولار كارتالاردىڭ يەلەرىنە حابارلاسىپ، دەرەكتەر جينامايتىنىن بىلە ءجۇرىڭىز.
